Талас облусунун Кара-Буура районунда 1 миллион сомго балдар аянтчасы курулууда. Жергиликтүү администрациядан билдиришкендей, Көк-Сай айылындагы эс алуу багынын 20 сотых жеринде иштер жүрүп жатат. Учурда таманташтар жана тосмолор орнотулууда. Мындан кийин батут, теннис столдору жана эс алуу чатырлары пайда болот.
Ордо калаа мугалимдерине айлык жана эмгек өргүүсү үчүн төлөмдөр толугу менен жакынкы арада берилет. Вице-мэр Алмаз Бакетаевдин айтымында, педагогдор жылда 15-майдан тартып эмгек өргүүсүнө чыга баштачу. Быйыл карантинден улам аралыктан иштешип, эс алуу мөөнөтү да июнь айында башталды. Учурда акчалар бериле баштады. Кошумчаласак, ордо калаа… Кененирээк…
Бишкекте дем алыш күндөрү коомдук транспорттун бардык түрү токтотулат. Тиешелүү чечимге вице-мэр Татьяна Кузнецова кол койду. Эми автобус, троллейбус, маршруттук унаалар жана такси кызматтары дем алыш күндөрү иштебейт. Мындай чектөө ордо калаада эпидемиологиялык абал жакшырганга чейин сакталат.
Франциядагы Эйфел мунарасы көрүүчүлөргө ачылды. Мунаранын администрациясы билдиргендей, бул жерде көрүүчүлөр беткап кийип, ортосундагы аралык сакталышы керек. Жогору жакка азырынча жөө гана көтөрүлүүгө болот. Лифттер 1-июлдан тартып иштеп баштайт. Мунаранын экинчи кабатындагы ресторан да 30-июнда ачылышы күтүлүүдө.
UFC чемпиону, кыргызстандык Валентина Шевченко тартылган тасма Канадада өтүүчү Торонто эл аралык кинофестивалында (TIFF2020) көрсөтүлөт. Бул тууралуу тасманын режиссеру, АКШлык актриса Холли Берри өзүнүн instagram баракчасына жазды. «Менин режиссердук дебютум быйыл TIFF2020 (Toronto International Film Festival) кинофестивалында көрсөтүлөт экен. Муну коомчулукка жар салып, аябай толкунданып… Кененирээк…
Бишкектеги Гинекологиялык оорукана коронавируска байланыштуу жабылганы тууралуу маалымат чындыкка дал келбейт. Бул тууралуу “Азаттыкка” Кыргызстандын башкы акушер-гинекологу Раиса Асылбашева билдирди. Анын айтымында, оорукананын акы төлөнүүчү төрөт бөлүмү азырынча жабылууда, аялдарга ыкчам гинекологиялык жардам берүү жагы күчтөндүрүлүп жатат: Жабылган жок. Сизге туура эмес маалымат беришкен. Ал ооруканада… Кененирээк…
Мамлекеттик органдардын кызматкерлери аралыктан иштөөгө өтүшү керек. Мындай талап республикалык ыкчам штабда коюлду. Биринчи вице-премьер-министр Алмазбек Баатырбековдун айтымында, өлкөдө эпидемиологиялык абал начарлап жатат. Мындан улам чара мамлекеттик органдардын ишине терс таасирин тийгизбей тургандай уюштурулуусу зарыл. Ишти үзгүлтүккө учуратпоо үчүн кеңселерде аз сандагы кызматкерлер санитардык талаптарды… Кененирээк…
Бишкекте былтыртан бери изделген тоноого шектүү 2 жаран кармалды. Бишкек шаардык ички иштер башкармалыгынан билдиришкендей, алар акча алмаштыруу түйүнүнө, эмерек дүкөнүнө жана банктын кассаларына куралчан кирип, кызматкерлерди коркутуу менен акчаларды алып кетишкен. Тонолгон каражаттын жалпы суммасы 6,5 миллион сомго чукул. Факты кылмыш жана жоруктардын бирдиктүү… Кененирээк…
Бишкекте ысык суу 1-июлдан тартып бериле баштайт. Мэриянын маалыматына ылайык, учурда күзгү-кышкы сезонго карата ремонттук иштер жүрүп жатат. Мындан улам батир жашоочулары да түтүктөрдү текшерип койсо ашыкча болбойт. Эске салсак, ордо калаада ысык суу жыл сайын аткарылчу профилактикалык иштер үчүн 1-июнда өчүрүлгөн.
Аймак аралык коомдук унаалар текшерилүүдө. Санитардык-эпидемиологиялык талаптарды аткарбаган айдоочуларга 201 миң сом айып салынды, — дешти Унаа жана жолдор министрлигинен. Маалыматка караганда, республика боюнча 2 миң 816 унаа текшерилди. Айыптарды чегерүү ведомство жана санитардык-эпидемиологиялык түйүн аркылуу жүргүзүлүп жатат.
