Россия 1-августтан тарта эл аралык каттамдарын жандандырат. Бул тууралуу премьер-министр Михаил Мишустин жарыялады. Ага ылайык, учуулар Москва, Москва облусу, Санкт-Петербург жана Ростов-на-Дону аэропортторунан жүргүзүлөт. Авиа каттамдар кайсы өлкөлөргө аткарыла тургандыгы кийин билинет.
Бишкекте “Тез жардам” кызматынын түйшүгү жеңилдеди. Бул тууралуу мекеменин реанимация бөлүмүнүн башчысы Егор Борисов билдирди. Анын айтымында, соңку күндөрү телефон чалуулар, кайрылуулар азайганы байкалууда. Буга чейин бир күндө 5 миңден чалуу келсе, кечээ кайрылуулардын саны 2 миңге жеткен жок. Бул эпидемиологиялык абалдын жакшыруусунан кабар… Кененирээк…
Араб мамлекеттеринен 142 кыргызстандык алынып келди. Бул тууралуу Тышкы иштер министрлигинен билдиришти. Жүргүнчүлөрдүн ичинде Сауд Арабиясынан, Иорданиядан, Пакистандан, Бахрейнден, Мальдив аралдарынан, АКШдан, Сингапурдан, Германиядан, Түштүк Кореядан, Камбоджадан келе жатып, Дубайда калып калган кыргызстандыктар да бар. Алардын баары учардын алдында коронавирус инфекциясына экспресс-тесттерди тапшырышкан,… Кененирээк…
Швецияда коронавирус менен баатырлар күрөшүүдө. Орто кылымга таандык аскерлер толугу менен костюмдарын кийип алып туристтер арасында популярдуу болгон Готланд аралында кайгуул жүргүзүүдө. Вирус менен алар албетте кылыч менен сайгылашкан жок, болгону эс алуучуларга социалдык аралыкты сактоо керектигин эскертишет. Курал-жаракчан баатырлардын тилин албай койгондор жок.
Кыргызстандыктарга электрэнергияны үнөмдөө сунушталат. Токтогул суу сактагычында нымдуулуктун көлөмү буга чейинки жылдарга салыштырмалуу, кыйла аз. Адистердин эсептөөсү менен, октябрга карата резервуарда болгону 15 миллиард куб суу болот. Бул 2017-жылга салыштырмалуу, 4,5 миллиардка жана былтыркыга салыштырмалуу, 2,5 миллиардка аз. Биринчи вице-премьер-министр Алмаз Бакетаев тиешелүү… Кененирээк…
Диетологдор коронавирус жана пневмониядан кийин кандай тамактануу керек экенин айтып беришти. Адистер сунуштагандай, организм калыбына келиши үчүн тоок, балык этине, белокко бай жумуртка жеш керек. Ошондой эле, мөмө-жемиштер, сүт азыктары сунушталат. Таттуулардан, өтө туздуу азыктардан, куурулган тамактан алыс болгон оң, — дешет диетологдор.
Кыргызстанда салыктык отчётторду тапшыруу мөөнөтү 1-октябрга чейин узартылды. Токтомго премьер-министр Кубатбек Боронов кол койду. Ага ылайык, мамлекеттик социалдык камсыздандыруу каражаттары жана жергиликтүү маанидеги инфраструктураны өнүктүрүү боюнча отчётторду берүү мөөнөтү да узартылды. Мындай чечим өлкөдөгү эпидемиологиялык кырдаалга байланыштуу, аймактык салык органдарында калктын жыйналуусуна жол… Кененирээк…
Фармацевтикалык компаниялар Кыргызстан ооруканаларына акысыз дары тапшырды. Препараттардын жалпы баасы 27 миллион сомго жетет, — деп билдиришти Саламаттыкты сактоо министрлигинин алдындагы Дары-дармек менен камсыздоо департаментинен. Ведомстводон белгилешкендей, компаниялар тарабынан колдоо көрсөтүү уланууда. Берилген препараттар облустук ооруканаларга муктаждыкка карап жөнөтүлөт. Отчет кийинчирээк жарыяланат, — дешти… Кененирээк…
Бишкектин Токтогул көчөсүндө кыймылга чектөөлөр киргизилет. “Бишкек жылуулук тармактарынан” билдиришкендей, анын Орозбеков-Панфилов көчөлөрүн камтыган тилкеси 27-июлдан 30уна чейин жабык болот. Бул жылуулук тармактарын оңдоо иштерине байланыштуу. Тыгындарды алдын алуу максатында, айдоочуларга каттамдарын эртелеп түзүп алуу сунушталат.
Бишкекте пневмонияны дарылоого колдонулуп, учурда тартыш болуп жаткан гепарин дарысын кымбат баада саткандар кармалды. Алар үйүндө 100 таңгак дарыны 70 миң сомго сатып жатканда колго түшүрүлдү, — дешти Экономикалык кылмыштарга каршы күрөшүү мамлекеттик кызматынан. Тергөө учурунда тиешелүү документтери жок үйүнөн эле препараттарды кымбат баада… Кененирээк…
