Бишкекте мыйзамсыз курулуштарды алуу иштери уланууда. Мэриянын маалыматына ылайык, Гоголь – Чүй жана Ахунбаев — Тагай-Бий көчөлөр кесилишиндеги мыйзамсыз орнотулган 3 контейнер алынды. Андан тышкары, Садыр-Аке, Раззаков, Абдрахманов, Садырбаев, Күйүков, Курчатов жана Москва көчөлөрүндөгү вагон, киоск, жарнама тактасы, темир гараж жана тосмолор демонтаждалды.
Кыргызстанда буудайдын баасы 40 пайызга жогорулады. Улуттук статистика комитетинен билдиришкендей, учурда буудайдын баасы республика боюнча орточо эсеп менен 29 сомдон сатылууда. Бул былтыркы жылдын ушул эле мезгилине салыштырмалуу 8 сом 20 тыйынга кымбаттады. Ошол эле учурда, эң кымбат буудай Бишкекте килограммы 31 сом 46 тыйын,… Кененирээк…
Кыргызстандын Олимпиадага катыша турган балбандар Токиодо машыгуусун улантууда. Күрөш федерациясынан билдиришкендей, спортчулар 1-августтан тартып килемге чыгат. Грек-рим күрөшүнөн лицензияны ар салмактагы категорияда Жоламан Шаршенбеков, Акжол Махмудов, Атабек Азисбеков жана Үзүр Жусупбеков алган. Балбандарды башкы машыктыруучулары коштоп барган.
Кыргыз-казак чек арасындагы «Ак-Тилек» көзөмөл-өткөрүү түйүнүндө кайрадан жүк ташуучу унаалардын узун кезеги жаралды. Учурда 120га жакын жүк ташуучу унаа кезек күтүп турат, — деп билдиришти УКМКнын Чек ара кызматынан. Мындай тыгын жүк ташуу агымы көбөйгөндүктөн жаралды. Бирок бул кайталанып турган эле көрүнүш. Кыргыз-казак чек арасынын… Кененирээк…
Жогорку Кеңеш Экономикага 6 айлык өзгөчө кырдаал режимин киргизүү боюнча мыйзам долбоорун жактырды. Мыйзам министрлер кабинетине бюджеттин кирешелери менен чыгашаларынын 20 пайызын Жогорку Кеңеш менен макулдашпастан башкарууга, салык ставкаларын, мамлекеттик сатып алуулардын шарттарын жана башкаларды өзгөртүүгө мүмкүндүк берет. Буга чейин президенттин алдындагы коррупцияга каршы иш… Кененирээк…
Олимпиада оюндарында 15 алтын медаль менен Кытай биринчи орунда баратат. Андан кийин Япония турса, үчүнчүдө АКШ жайгашты, учурда анын капчыгында 14 алтын бар. Ал эми Борбор Азия мамлекеттеринен Өзбекстанда бир алтын, бир коло медаль болсо, Казакстан үч коло алып, рейтингде 55-сапка жайгашты. Түркмөнстанда бир күмүш… Кененирээк…
Балыкчы шаарында жана Тоң районунун Кара-Талаа, Оттук айылдарында сел жүрдү. Өзгөчө кырдаалдар министрлигинин маалыматына ылайык, бүгүн, таңда каптаган суу турак жайларды каптап, ички жолдорго жана арыктарга кум шагыл толуп калды. Ысык-Көлдүн түштүк жагындагы трассанын 35-чакырымында жолдун айрым жерлери дагы жабыркады. Ал эми көлдүн түндүк жагынан… Кененирээк…
Беш-Күнгөй айылынын көйгөйү жакынкы аралыкта чечилет. Тагыраагы, Проектируемая көчөсүндөгү 15 үйдүн жашоочуларынын арыздары каралууда жана таза сууну өчүргөн депутат Адилет Асаналиевге карата териштирүү иштери жүрүүдө, — деди Аламедин районунун акиминин биринчи орун басары Манас Касымбеков. Эске салсак, бешкүнгөйлүктөр бир жумадан ашык убакыттан бери таза суусуз… Кененирээк…
Мурдагы президент Алмазбек Атамбаевдин уулу Кадыр Атамбаев Бишкек шаардык кеңешинин депутаты болду. Бүгүн, 30-июлда Бишкек шаардык кеңешинин жаңы депутаттары ант беришти. Кадыр Атамбаев дагы күбөлүк жана төш белги алды. Ал шаардык кеңешке «Социал-демократтар» партиясынын тизмеси менен келди. 11-июлда өткөн Бишкек шаардык кеңешине шайлоодо «Социал-демократтар» 5… Кененирээк…
Бишкекте электр зымдарын оңдоо иштери уланууда. Ага байланыштуу бүгүн кечки саат 6га чейин Лулумба, Троицк, Анкара, Курманжан Датка, Торугарт, Жайылган, Шаты жана Оберон көчөлөрүнүн бир бөлүгүндө, «Салам-Алик», «Арча-Бешик» жана «Кара-Жыгач» конушунда жок болот.
