Балыкчы-Барскоон жолун оңдоого 250 миллион сом бөлүндү. Министрлер кабинетинин билдиришкендей, каражат Жол чарба департаментине которулат. Реконструкциялоонун алкагында жолдун жээгин кеңейтүү, асфальт-бетондук катмарын төшөө жана жасалма конструкцияларды куруу иштери жүрүп жатат. Белгилеп кетсек, Балыкчы-Барскоон жолунда капиталдык оңдоо иштери 50 жылдан бери жүргүзүлбөй келген.
Кыргызстанда көмүрдүн баасын убактылуу мамлекеттик жөнгө салуу аяктады. Монополдукка каршы мамлекеттик агенттик учурда көмүрдүн баасы туруктуу экенин билдирди. Эске салсак, кара отунду мамлекеттик жөнгө салуу 11-октябрда 90 күнгө киргизилген. Анын алкагында, миңден ашык соода түйүндөрү текшерилген. Монополдукка каршы орган көмүргө мониторинг улана турганын… Кененирээк…
Бишкекте ушул жылы эки мектеп ачылат. Мэриянын басма сөз кызматынан кабаралашкандай, 225 орунга эсептелген №18 орто мектептин кошумча окуу корпусунун курулуш иштери 95 пайызга аткарылып, имараттын ички жана тышкы жасалгасы, пол жана терезе-эшиктерди орнотуу, электр жана сантехника тармактары өткөрүлүп, ошондой эле жылуулук менен камсыздоо,… Кененирээк…
Кыргызстанда чет элдик жарандарды ишке орноштуруучу борбор пайда болот. Министрлер кабинетинен маалым болгондой, мындай чечим мигранттарды жана аларын үй-бүлөсүнүн укугун коргоо максатында кабыл алынды. Кошумчалай кетсек, жарандарды чет өлкөдө ишке орноштуруу борбору Эмгек, социалдык коргоо жана миграция министрлигинин карамагындагы бөлүм болот.
“Асман” шаарын курууга мамлекеттик бюджеттен акча бөлүнбөйт. Президент Садыр Жапаров “Вечерний Бишкек” басылмасына курган маегинде билдиргендей, шаарды курууга ички жана тышкы инвесторлор тартылып, жерлер бөлүнүп берилет. Президенттин айтымында, жаңы шаарды тургузууга болжол менен 20 миллиард доллар жумшалат.
Бишкек мэриясы “Тазалык” ишканасынын кызматкерлеринин коопсуздугун камсыздоо жана ишин жеңилдетүү үчүн электр кубаттагыч менен жүрө турган унаа сатып алат. Муниципалдык ишканадан билдиришкендей, бул электр унаасы Бишкекте чогултулат. Сыноодон натыйжалуу өтсө, мекеме мындай техниканы массалык түрдө сатып алууну көздөп жатат.
Кыргызстандагы христиандардын сууга чөмүлүү боюнча крещение деп аталган диний жөрөлгөсү токтотулду. Бишкек жана Кыргызстан епархиясынан билдиришкендей, бул жылы салтанатты расмий өткөрүүгө коронавирусту жуктурган адамдардын санынын көбөйүшү жана омикрон штаммынын аныкталгандыгы үчүн тыюу салынды. Белгилеп кетсек, бул салт жыл сайын 19-январда белгиленет. Алар сууга чайынуу… Кененирээк…
Дүйнөдөгү эң пайдалуу 10 жашылча-жемиш белгилүү болду. Адистердин айтымында, адам баласынын организми жакшы иштеши үчүн микроэлементтерге муктаж. Ал эми ошол табигый витаминдерди дүкөндөрдөн оңой эле тапса болот. Алсак, эң пайдалуу жашылча-жемиштердин катарына авокадо, брокколи, сарымсак, чиа уруктары, шпинат, киноа, балык, анар, сабиз жана… Кененирээк…
Кыргызстанга унаа жеткирүү эки эсе кыскарды. Улуттук статистика комитетинен маалым болгондой, былтыркы жылы өлкөгө 15 миңден ашык унаа сырттан алынып келинсе, 2020-жылы 24 миң 300гө жакын унаа башка мамлекеттерден ташылган. Ал эми жүк ташыган унаалар тескерисинче дээрлик 900гө көп келген. Белгилеп кетсек, Кыргызстанга транспорт… Кененирээк…
Бишкек эркин экономикалык аймагында эки жаңы ири завод ачылат. Бул тууралуу мекеменин басма сөз кызматынан билдиришти. Белгилүү болгондой, ишканада металлургиялык жана тери сырьесу менен булгаары буюмдары кайра иштетилет. Объекттин курулушу ушул жылы башталат.
