Кыргызстандык футболчу Литванын клубу менен келишим түздү. Кыргыз футбол бирикмесинен билдиришкендей, өлкөнүн футбол боюнча улуттук курама командасынын чабуулчусу Шерали Юлдашев Литванын премьер-лигасындагы “Дайнава” клубу менен иштешмей болду. Юлдашев өткөн сезондо Швециянын “Умео” клубунда ойногон. Ал улуттук курамада 2022-жылы Россия менен болгон жолдоштук беттеште дебют жасаган.
Ушул жылдын 20-февралында Жалал-Абад шаарынын айрым көчөлөрүндө электр жарыгы өчүрүлөт. Бул тууралуу шаардык мэриянын басма сөз кызматы билдирди. Маалыматка ылайык, оңдоп-түзөө жумуштарына байланыштуу саат 10:00дөн 17:00гө чейин калаанын Пахта, Э.Осмонов, Э. Жуманазаров, Ленин көчөлөрүндө электр жарыгы болбойт. Мэрия жарандардан жаралган ыңгайсыздыкты түшүнүү менен кабыл алууну суранат.
Товардык-транспорттук коштомо кагаздын электрондук түрүн колдонбогондор үчүн быйыл айып салынбайт. Мамлекеттик салык кызматынан билдиришкендей, мындай чечим ишкерлерге байланышкан кыйынчылыктарды эске алуу менен кабыл алынды. Бул жеңилдик ишкерлердин системага оңой өтүүсүнө шарт түзөт деп күтүлүүдө. Эске салсак, 1-январдан тарта товар жүгүртүү менен алектенген бардык ишкерлер электрондук… Кененирээк…
Кыргызстан менен Өзбекстан тез бузулуучу азыктар үчүн жашыл коридор ачууну пландоодо. Бул тууралуу Соода-өнөр жай палатасынан билдиришти. Маселени талкуулоого эки өлкөнүн Айыл чарба министрлигинин жана ветеринардык кызматтарынын кызматкерлери, андан тышкары бизнес-ассоциациялар жана эксперттер катышты. Анда өзбек тарап «Достук» өткөрмө бекетинде мониторинг жүргүзө турганын айтып, Бажы… Кененирээк…
Маданият министрлигинин балансындагы объекттердин 80 пайызы авариялык абалда. Бул тууралуу министр Алтынбек Максутов билдирди. Маалыматка ылайык, мекеменин карамагында 2 миңден ашык объект бар. Анын ичинен 40ы жараксыз абалда. Алардын арасында Кыргыз мамлекеттик маданият жана искусство университети, республикалык атайын орто музыкалык мектеп-интернаты, Москва районундагы Маданият үйү… Кененирээк…
Бишкектеги Орто-Сай базарында мыйзамсыз орнотулган объекттер алынууда. Бул тууралуу муниципалитеттен билдиришти. Жеринде мэриянын жер пайдаланууну контролдоо боюнча башкармалыгы, «Тазалык» муниципалдык ишканасы, Октябрь райондук милициясынын, Өзгөчө кырдаалдар министрлигинин кызматкерлери иш алып барууда. «Иштин жүрүшүндө аталган базарда жалпысынан 16 темир чатыр, 115 башаламан соода жайы, 97 жарнактык… Кененирээк…
Калифорнияда робот-таксилер сыноодон өттү. «Амазонго» таандык техникада жүргүнчүнүн ролун компаниянын кызматкерлери аткарышты. Алар дээрлик 1,5 чакырым аралык жүрүштү. Робот-таксилерде руль же педаль жок. Өз алдынча башкарылган унаа төрт кишиге чакталган жана кызматкерлерди бир кеңседен башка офиске акысыз ташыйт.
Стилисттер бул жылдын эң модалуу чач түсүн аташты. Кеп ачык күрөң түс тууралуу болуп жатат. Ушундай түстү модель Хейли Бибер, ырчы Джейн Биркин жана Леонардо Ди Каприонун мурдагы сүйүктүүсү Камила Морроне колдонушкан. Эксперттер бул өң абдан табигый көрүнөт жана өзгөчө кам көрүүнү талап кылбайт деп… Кененирээк…
Кыргызстанда жумушчулардын төрт пайызы гана 66 миң сомдон ашык айлык алат. Бул тууралуу Улуттук статистика комитетинен билдиришти. Статком 2022-жылдын ноябрь айында ишканалардын жана уюмдардын кызматкерлеринин эсептелген эмгек акынын өлчөмү боюнча санынын жылдык изилдөөсүнүн жыйынтыгын чыгарды. Мында кызматкерлерди бөлүштүрүү 2022-жылы 2 миң 200 сомду түзгөн минималдуу… Кененирээк…
Түркиянын Кахраманмараш шаарында Кыргызстандын талаа госпиталы иштеп жатат. Өзгөчө кырдаалдар министрлигинен билдиришкендей, ал жерге күнү-түнү ар кандай жараат алган, зилзаладан кийин уйкусу бузулган, депрессияга кабылган тургундар келүүдө. Талаа госпиталында жети адамдан түзүлгөн дарыгерлер тобу иш алып барууда. Госпиталь төрт бөлмөдөн турат жана он керебет жайгаштырылган.… Кененирээк…
