Ала-Букада чек арачылар үчүн кызматтык үйлөрдүн курулушу башталды. Президенттин облустагы өкүлчүлүгүнөн билдиришкендей, чек арачылар үчүн үч блоктон турган 30 батирлүү турак-жай комплекси курулат. Курулуш иштерин ушул жылдын соңуна чейин аяктоо пландалууда.
Бишкекте дагы 5 көчөдө оңдоо иштери жүргүзүлөт. Мэриядан билдиришкендей, Шабдан баатыр көчөсүнүн Лермонтов — Курманжан датка тилкесинде жумуштар 25-апрелде башталып, 10-июнда аяктайт. Ахунбаев көчөсүнүн 7-апрель — Жукеев-Пудовкин бөлүгүндө 25-июндан 25-сентябрга чейин оңдоо иштери жүргүзүлөт. 1-майда Лев Толстой көчөсүнүн Ибраимов — Калык Акиев тилкеси жабылса,… Кененирээк…
Нарында куш этин кайра иштетүүчү заводдун курулушу аяктоодо. Ишкананын продукциясы Кытайга экспорттолот, — дешти министрлер кабинетинен. Долбоор кайра иштетүү тармагын өнүктүрүүгө, Кыргызстандын экспорттук потенциалык жакшыртууга, жаңы жумуш орундарын түзүүгө жана Кытай менен соода-экономикалык алаканы бекемдөөгө багытталат.
Дубайда дүйнөдөгү эң кымбат алкоголсуз коктейль тартууланды. Анын баасы 3 миң доллар же 260 миң сом. Суусундуктун курамында клюква, анар ширеси, деңиз тузу жана 24 карат алтын бар. Коктейлге кошуп даамдуу азыктар берилди, алар дагы жегиликтүү алтын менен кооздолгон.
Талас районунун Чоң-Алыш айыл аймагында жаңы касапкана ачылды. Айыл чарба министрлигинин маалыматына ылайык, объекттин курулушуна 2 миллион сом салынды. Каражатты жеке инвесторлор чыгарган. Ишкана туруктуу негизде иштеп, жергиликтүү тургундарга жумуш орундары дагы түзүлдү.
Саламаттыкты сактоо министрлиги негизги ооруканаларды Кара-Жыгач конушу тарапка чыгаруу ниетинде. Ведомство жетекчиси Эркин Чечейбаев долбоордун эскизин тартуулады. Анын айтымында, медициналык шаарчаны 106 гектар жерге куруу пландалууда. Ошондо Улуттук госпиталь, Республикалык инфекциялык оорукана, төрөт үйлөрү, Психиатрия жана наркология борбору жана башка мекемелер бир жерде жайгашат.… Кененирээк…
20-апрелде түнкүсүн жана эртең менен өлкөнүн түндүк облустарында үшүк жүрүшү күтүлөт. Бул тууралуу Кыргызгидромет маалымдады. Маалыматка ылайык, Чүй жана Таластын дыйканчылык аймактарында абанын табы -2 градуска чейин түшөт. Ал эми Ысык-Көл жана Нарын облустарынын дыйканчылык аймактарында -1…-3 градуска чейин төмөндөп, үшүк жүрүшү мүмкүн. Бул үшүк… Кененирээк…
Time басылмасы жылдын эң таасирдүү адамдарын атады. Тизмеде 32 өлкөнүн өкүлдөрү бар. Алсак, АКШ президенти Дональд Трамп жана анын администрациясынын алты мүчөсү кирген. Ошондой эле Meta компаниясынын башчысы Марк Цукерберг, теннисчи Серена Уильямс бар. Шоу-бизнес өкүлдөрүнөн таасирдүү деп Скарлетт Йоханссон, Снуп Дог, Деми Мур,… Кененирээк…
Ошто муниципалдык базардын ачылышына даярдыктар аяктады. Мэриядан билдиришкендей, объектте жолдорго асфальт төшөлүп, парковка аймагы түзүлүп, трнасформаторлор орнотулду. Андан тышкары, коомдук тамактануу түйүндөрү уюштурулуп, өрткө каршы система орнотулууда. Эске салсак, Оштун жаңы муниципалдык базары 20-апрелде иштеп баштайт.
Ноокат районунун Алмалык айылында заманбап 150 орундуу жаңы мектеп ачылды. Бул тууралуу президенттин Ош облусундагы өкүлчүлүгүнөн билдиришти. Эки кабаттуу мектеп имараты бардык керектүү шарттар менен жабдылган. Окуу класстарынан тышкары, информатика кабинети, китепкана каралган. Жалпы тендердик баасы 65 миллион 760 миң сомду түздү.
