Токмокто жаңы балдар аянттары пайда болот.   Оюн аймактарын даярдоого жана орнотууга тендерди мэрия жарыялады. Аянттар 10 жерде жайгашат. Бул максатта жалпысынан 15 миллион сом багытталат.

Улуттук банк кыргызстандыктарды шылуундардан сак болууга чакырат. Бүгүнкү күндө белгисиз адамдар өздөрүн мобилдик байланыш операторлору, Улуттук банк же укук коргоо органдарынын кызматкерлери катары тааныштырып, жарандарды алдоого аракет кылууда.   Алар “Түндүк” порталы аркылуу жеке маалымат сыртка чыгып кеткенин айтып, андан соң, жарандын атына кредит алынганын… Кененирээк…

Билим берүү министрлиги президенттин “Эл үмүтү” эл аралык стипендиясына документтерди кабыл алуу башталганын жарыялады. Максаты — өлкөнүн таланттуу жаштарына дүйнөнүн мыкты окуу жайларында билим алуусуна колдоо көрсөтүү болуп саналат.   Жыл сайын техникалык, инженердик, экономикалык, социалдык-гуманитардык багыттар боюнча 50 стипендия бөлүнөт.

Ош облусунда 60 орундуу оорукана курулду. Курулуш, архитектура жана турак-жай коммуналдык чарба министрлигинен билдиришкендей, медициналык жай Өзгөн районунун Мырза-Аке айылында жайгашат.   Оорукана заманбап жабдуулар менен камсыздалды. Долбоорду ишке ашырууга 133 миллион сом жумшалды. Каражат республикалык бюджеттен бөлүнгөн.

1-июлдан тарта ОСАГО полиси жокторго айып салынып баштайт. Бул тууралуу Каржы рыногун жөнгө салуу мамлекеттик кызматы эскертет. Айыптын өлчөмү жеке жактарга   3 миң сомду түзөт.   Эске салсак, 2023-жылдын 1-апрелинен тарта башка мамлекеттерде катталган унааларга жана юридикалык жактарга милдеттүү камсыздандыруу киргизилген. Мындай категориядагы унаа ээлеринин… Кененирээк…