Кытайда караңгыда көрүү үчүн линза чыгарылды. Аны менен адам түнкүсүн дагы, көзүн жаап алса дагы көрө алат. Линзадагы нанобөлүкчөлөр инфракызыл түстү жок кылып, аны көрүү толкундарына айландырат. Учурда алар сыноодон өтүп, караңгыда көрүү мүмкүнчүлүгүн берген линзалар жакында сатыкка чыгарылат.
Кара-Кулжа районунун Кара-Гуз айыл аймагында жаңы спорт зал ачылды. Бул тууралуу президенттин Ош облусундагы өкүлчүлүгүнөн билдиришти.Объекттин курулушу республикалык бюджеттин эсебинен каржыланып, баасы 18 миллион 645 миң сомду түздү. Спорт зал айыл жаштарынын дене тарбия жана спорт менен активдүү алектенүүсүнө чоң мүмкүнчүлүк жаратат.
Бишкекте Балдарды коргоо күнү белгиленет. Мэрия маалыматына ылайык, 1-июнда эртең мененки саат 10дон кечки 10го чейин Ала-Тоо аянтында наристелер үчүн оюн-зоок аянттары, чеберчилик класстар, сынактар, спорттук оюндар уюштурулат. Андан тышкары, 30-майдан 8-июнга чейин Бишкекте “Наристе” аттуу эл аралык балдар фольклордук фестивалы өтөт. Ага өлкөнүн… Кененирээк…
Быйыл бүтүрүүчүлөргө кызыл аттестат алуудагы “Алтын тамга” тестирлөөсү жоюлду. Агартуу министрлигинин мектептик, мектептен тышкаркы жана кошумча билим берүү башкармалыгынын жетектөөчү адиси Кылым Сыдыкназарова билдиргендей, буга чейин кызыл аттестат аталган тестирлөөдөн өткөн гана бүтүрүүчүгө берилген. Эми 11 жыл ичинде чейректеринин баары 5 чыккан бүтүрүүчү ала… Кененирээк…
Ошто Ош мамлекеттик университетинин медициналык клиникасы курулууда. Министрлер кабинетинен билдиришкендей, оорукана 312 орунга чакталат. Ал ишке киргенден кийин бардык медициналык кызматтар көрсөтүлөт. Андан тышкары, студенттерге тажрыйба топтоого мүмкүнчүлүктөр пайда болот.
Мамлекеттик сатып алуулардагы келишимдер банк аркылуу коштолот. Тиешелүү токтомго министрлер кабинетинин башчысы Адылбек Касымалиев кол койгон. Бул үчүн тиешелүү банктардын тизмеси түзүлүп, төлөмдөр келишимдеги иштердин аткарылышына жараша жүргүзүлөт. Бул ыкма мамлекет менен подрядчынын ортосундагы жоопкерчиликти арттырып, ишти сапаттуу аткарууну шарттайт. Ошондой эле Финансы министрлигине банктар… Кененирээк…
“Акыркы коңгуроо” салтанатынан кийин көңүл ачуу иш-чараларына тыюу салынат. Ички иштер министрлигинен билдиришкендей, мындай чектөө мектепте гана эмес, башка жерлерде дагы күчүндө болот. Окуучулар кафе-ресторандарда, жаратылыш койнунда бүтүрүү кечелерин жана ар кандай отуруштарды уюштурбашы керек. Мындай чечим тартип бузууларды жана аварияларды алдын алууга багытталат.
Ысык-Көлдүн түштүк жээгинде спорттук мейманкана комплексин куруу пландалууда. Бул тууралуу Экономика жана коммерция министрлигинен билдиришти. Инвесторго салыктык жана бажы жеңилдиктери берилип, административдик коштоо көрсөтүлөт. Комплексте мейманкана номерлеринен тышкары олимпиадалык бассейндер, спорт залдар, эл аралык иш-чараларга ылайыкталган аянтчалар каралып, 200дөн ашык жумуш орду түзүлөт.
Ош облусунун Кара-Суу районунда эт жана сүт азыктарын өндүрүүчү завод пайда болот. Объекттин курулушу менен министрлер кабинетинин төрагасы Адылбек Касымалиев таанышты. Ишкана Манас айыл аймагында жайгашат. Долбоордун сметалык наркы 427 миллион сомду түзөт. Иштер жыл аягына чейин жыйынтыкталат деп күтүлүүдө. Заводдо 300 жергиликтүү тургунга… Кененирээк…
Жалал-Абад облусунда ипотекага турак-жай алууга кезекке тургандарга караганда, курулуп жаткан батирлердин саны көп. Мамлекеттик ипотекалык компаниянын калк менен иштөө башкармалыгынын жетекчиси Гүлзат Тотубаева билдиргендей, Бишкекте батир алуу үчүн кезекке тургандардын саны көп болгондуктан, борбордо 17 миңден ашык батир курулууда. Ал эми Жалал-Абад облусунда… Кененирээк…
