Бишкекте жаңы №24 автобустук каттам ишке кирди. Мэриядан билдиришкендей, ал Келечек жана Үмүт конуштарын бириктирет. Автобустар Элебесов, Киев, Бейшеналиева жана Фрунзе көчөлөрү менен жүрөт. Буга чейин бул каттам менен №224 маршруттук такси каттап келген, эми аларды заманбап автобустар алмаштырды.
Ош шаарынын Жапалак айылында жаңы спорткомплекстин курулушу башталды. Курулуш, архитектура жана турак-жай коммуналдык чарба министрлигинен билдиришкендей, долбоор республикалык бюджеттин эсебинен ишке ашырылып, 82 миллион сом бөлүндү. Объект эки блоктон туруп, анда машыктыруучулар кабинеттери, спорт жана машыгуу залдар каралат.
Бишкек тургундары эми эвакуацияланган унаасы тууралуу маалыматты онлайн ала алышат. Мэрия маалыматына ылайык, жаңы функция “Менин шаарым” тиркемесинде жеткиликтүү. Сервис менен колдонуу үчүн “Эвакуация” бөлүмүнө кирип, мамлекеттик номерди киргизүү керек. Андан соң эвакуяцияланган унаанын жери, токтотуучу жайдын дареги, телефон номери көрсөтүлөт.
Студенттер Face ID аркылуу жоктолуп, лекцияларда QR-коддорду колдонушат. Илим, жогорку билим берүү жана инновациялар министринин орун басары Нурлан Өмүров билдиргендей, жылына 3-3,5 миң студент ар кандай себеп менен окуудан чыгарылат. Алардын арасында катталып, бирок окубагандар дагы бар. Муну жокко чыгаруу үчүн бирдиктүү санариптик… Кененирээк…
Кыргызстанда жеке ишкерлер жана уюмдар үчүн эсеп-фактураларды каттоо мөөнөтү өзгөрдү. Мамлекеттик салык кызматынан билдиришкендей, эми кызматтарга жана аткарылган жумуштарга мындай документтер отчеттук айдан кийинки айдын 10 жумуш күнүндө катталышы керек. Эреже товарды жагна кызматтарды соода платформалары аркылуу сатуу жана көрсөтүүдө дагы колдонулат.
Дубайда дүйнөдөгү эң кымбат кофе даярдалды. Бир кружка суусундуктун баасы 680 доллар же дээрлик 60 миң сомду түздү. Аны кафелердин биринде салтанаттуу түрдө сунушкан. Сатып алган кишинин аты-жөнү такталбайт. Кофени даярдоодо Панама фермасында өстүрүлгөн сейрек кездешүүчү жана эксклюзивдүү арабика даны колдонулган.
Кыргызстандын грек-рим күрөшү боюнча курамасынын машыктыруучулар курамы өз каалоосу менен отставкага кетти. Буга дүйнө чемпионатында команданын начар жыйынтыгы себеп болгону айтылды. Кураманын башкы машыктыруучусу Уран Калилов болчу. Анын тарбиясы алдында биздин команда дүйнө биринчилигинде бир коло медаль багындырды.
ЕАЭБде 2026-жылдын февралынан тарта навигациялык пломбалар колдонула баштайт. Бул тууралуу Евразиялык экономикалык комиссия билдирди. Навигациялык пломба товар жана транспорт каражаттарынын жылышына аралыктан көзөмөл жүргүзүүгө мүмкүнчүлүк берет. Бул технология онлайн режимде миң чакырымга чейинки аралыкта дагы мыйзамсыз аракеттерди каттоого, товар жүгүртүүнүн мыйзамдуулугун тастыктоого жана… Кененирээк…
Жалал-Абад шаарынын Барпы көчөсүндө 100дөн ашык турак-жай жана коммерциялык имараттар түрттүрүлдү. Бул жерде 15 кабаттуу үйлөрдөн турган кичи район пайда болот. Мэриянын маалыматына ылайык, Токтогул паркынын жанындагы имараттар совет доорунда эле курулуп, учурда заманбап талаптарга жооп бербейт. Жалпысынан 104 турак-жай буздурулуп, алардын жашоочулары… Кененирээк…
Кыргызстанда 5 күн ичинде парламент депутаттарын кезексиз шайлоо дайындалат. Бул Жогорку Кеңеш өзүн-өзү таркатканына байланыштуу. Мыйзамга ылайык, президенттин жарлыгы кол коюлган күндөн тартып 45 күндөн кечиктирбестен добуш берүү өткөрүлүүгө тийиш. Ал эми учурдагы депутаттар өзүнүн ыйгарым укуктарын жаңы чакырылыштын биринчи жыйналышына чейин аткарат.… Кененирээк…
