Саламаттык сактоо министрлигинен билдиришкендей, Эне жана баланы коргоо улуттук борборунда 35 жаштагы келин пландалган операция жолу менен үч уулду жарык дүйнөгө алып келди. Учурда ымыркайлардын абалы туруктуу деп бааланууда, эненин абалы да жакшы.
Кыргызстан Өзбекстан жана Тажикстан менен чогуу энергетикалык долбоорду ишке киргизет. Бул тууралуу Энергетика министри Таалайбек Ибраев билдирди. Маалыматка ылайык, бул үчүн Дүйнөлүк банк 40 млн доллар берет, аны кайтаруу мөөнөтү 40 жылды түзөт. Долбоордун алкагында Борбор Азия аймагына аба чубалгылары курулат, подстанциялар жаңыланат.… Кененирээк…
Ысык-Ата районуна караштуу Новопокровка – Туз унаа жолунда асфальт төшөө иштери башталды. «Кыргызавтожол» мамлекеттик ишканасынан билдиришкендей, учурда жолдун 12-14-чакырым аралыгында асфальт төшөлүүдө. Бул аймактагы жол инфраструктурасын жакшыртууга, унаа кыймылынын коопсуздугун жогорулатууга жана тургундар үчүн ыңгайлуу шарттарды түзүүгө багытталган.
Тиешелүү токтомго Министрлер кабинетинин төрагасы Адылбек Касымалиев кол койду. Мындай чечим «мамлекеттин катышуу үлүшү бар айрым чарбалык коомдордун ишинин натыйжалуулугун жогорулатуу максатында» кабыл алынганы белгиленди. «Кыргызиндустрия» ишканасы буга чейин Мамлекеттик мүлктү башкаруу боюнча мамлекеттик агенттикке караган.
Эртең Бишкек мамлекеттик университетинде бош орундар жарманкеси өтөт. Эмгек, социалдык камсыздоо жана миграция министрлигинен билдиришкендей, иш-чарага мамлекеттик, муниципалдык жана жеке сектордон 100гө жакын уюмдун өкүлдөрү катышат. Жалпы сунушталган бош орундардын саны 5 миңден ашып, өндүрүш, транспорт, тейлөө, каржы сектору жана телекоммуникациялар сыяктуу ар… Кененирээк…
Көмүрдү машине менен сыртка сатууга тыюу салууну дагы алты айга узартуу сунушталды. Министрлер кабинетинин тиешелүү токтом долбоору коомдук талкууга коюлду. Анда бул убактылуу чара өлкөнүн энергетикалык коопсуздугун камсыздоо, келерки жылуулук сезонунда көмүр таңкыстыгын алдын алуу жана баалардын кескин кымбатташына жол бербөө максатында көрүлүп жатканы… Кененирээк…
Жогорку Кеңеш Борбордук шайлоо комиссиясынын мүчөлөрүнүн санын 12ден сегизге кыскартуу боюнча мыйзам долбоорун үчүнчү окууда кабыл алды. Ага ылайык, БШКнын сегиз адамдан турган курамы беш жылга шайланат жана анын төртөөнү президент, калган төртөөнү Жогорку Кеңеш көрсөтөт. Долбоор чыгымды азайтуу жана Боршайкомдун ишин ыкчам алып… Кененирээк…
Жогорку Кеңеш Министрлер кабинетинин төрагасынын орун басары кызматына Улан Маматкановдун талапкерлигин жактырды. Буга чейин парламенттин үч комитети анын талапкерлигин колдогон. Президент Садыр Жапаров Улан Маматкановду Министрлер кабинетинин төрагасынын орун басарынын милдетин аткаруучу кылып 15-апрелде дайындаган. Өкмөттө ал социалдык тармакты тейлейт.
Май майрамдарында Калкты тейлөө борборлору штаттык режимде иштейт. Бул тууралуу “Кызмат” мамлекеттик мекемесинен билдиришти. Маалыматка ылайык, борборлор 1-майдан 10-майга чейин майрам жана эс алуу кундөрүн кошкондо эртең мененки саат 9дан кечки 6га чейин иштейт. Мындай чечим калкка мамлекеттик кызматтарды үзгүлтүксүз жана жеткиликтүү көрсөтүүнү камсыз… Кененирээк…
Мамлекеттик сыйлыктардын саны эки эсе кыскарды. Президент Садыр Жапаров мамлекеттик сыйлыктар жөнүндө мыйзамга кол койду. Ага ылайык, мамлекеттик сыйлыктардын, ардак наамдардын жана сый акылардын системасы оптималдаштырылып, 46дан 22ге чейин кыскартылды. Ошону менен катар жаңы сыйлоо институттары киргизилди. Мурдагы айрым сыйлыктар жана наамдар жоюлуп… Кененирээк…
