Google Earth платформасы колдонуучулар үчүн жаңы акысыз учак башкаруу функциясын ишке киргизди. Эми каалоочулар виртуалдык учакты түз эле браузер аркылуу башкарып, Жер планетасын бийиктиктен кыдыра алат. Виртуалдык учуу учурунда колдонуучулар дүйнөнүн ар кайсы аймактарынын үстүнөн учуп өтүп, үч өлчөмдүү форматтагы шаарларды, белгилүү жайларды жана… Кененирээк…
Бишкекте жаңы көп функционалдуу спорттук аянтча ачылды. Мэриядан билдиришкендей, ал Абдрахманов менен Самойленко көчөлөрүнүн кесилишинде жайгашат. Анда кичи футбол жана баскетбол аянтчалары, воркаут зонасы, балдар аянтчалары жана чуркоо жолдору бар. Аймакка жарыктандыруу орнотулуп, көрктөндүрүү иштери жүргүзүлдү. Долбоор жергиликтүү бюджеттин эсебинен каржыланды.
Кыргызстанда жаңы канаттуулар фабрикасы ачылды. Ишкана суткасына 180 миңге чейин жумуртка өндүрүп, 25 жаңы жумуш ордун түзөт. Компаниянын маалыматына ылайык, анын өндүрүштөрү өлкөнүн жумурткага болгон ички керектөөсүнүн 16,5 пайызын камсыздайт. Ишкананын ачылышы ата мекендик өндүрүштү көбөйтүп, өлкөнүн азык-түлүк коопсуздугун чыңдоого өбөлгө түзөрү… Кененирээк…
Түндүк–Түштүк альтернативдик унаа жолунун үч тилкесинде заманбап жол тейлөө пункттары курулууда. Транспорт министрлигинен билдиришкендей, учурда Кызарт белиндеги жол тейлөө пунктунун дубалдары тургузулуп, объект таза суу жана интернет байланышы менен камсыздалды. Ошондой эле Сузак районунун Калмак-Кырчын айылынын жанында дагы бир жол тейлөө базасынын курулушу башталды.… Кененирээк…
Футбол боюнча дүйнө чемпионатында тарыхтагы эң «акылдуу» топ колдонулууда. Trionda аталышындагы расмий топтун ичине атайын микрочип орнотулган. Ал VAR системасына маалыматты секундасына 500 жолу жөнөтөт. Сенсор топтун ылдамдыгын, учуу багытын жана траекториясын көзөмөлдөп, калыстарга талаштуу учурларда жана офсайддарды аныктоодо так чечим чыгарууга жардам берет.
Ноокат районунун Тескей-Кожоке айылында 120 орундуу бала бакчанын курулушу уланууда. Эки кабаттуу имараттын жалпы аянты 1 миң 650 чарчы метрди түзөт. Учурда объектте канализация тармактарын тартуу жана имараттын фасадын жасалгалоо иштери жүрүп жатат. Бала бакчанын курулушуна 77 миллион сом каралган. Каражат республикалык бюджеттен бөлүнгөн.… Кененирээк…
Агартуу министрлиги мугалимдерди мектептин оңдоп-түзөө иштерине тартууга тыюу салынганын эскертет. Ведомстводон белгилешкендей, 2025–2026-окуу жылында республикалык бюджеттен мектептерди оңдоого 404 млн сом каралган. Ошондой эле жергиликтүү бийликке мугалимдерди көчө тазалоо, айлана-чөйрөнү иретке келтирүү жана башка чарбалык иштерге тартууга жол берилбейт. Белгилеп кетсек, Кыргызстанда адатта… Кененирээк…
Бишкекте электросамокаттардын ылдамдыгы саатына 15 чакырымга чейин чектелгенден кийин, бул транспортко байланыштуу жаракат алгандардын саны төрт эсе азайды. Вице-мэр Рамиз Алиев билдиригендей, келечекте мындай чектөө жеке мобилдүүлүк каражаттарынын бардык түрүнө жайылтылышы мүмкүн. Эске салсак, май айында мэрия самокаттардын максималдуу ылдамдыгын саатына 25 чакырымдан… Кененирээк…
Өзбекстан футбол боюнча дүйнө чемпионатында тарыхый дебютун жасады. Өзбекстан курама командасы бул дүйнөлүк биринчиликте оор жана кызыктуу “К” тобунда орун алган. Команда бүгүн Колумбияга каршы беттеш өткөрдү. Оюн 3:1 эсебинде колумбиялыктардын пайдасына аяктады. Жалгыз голду командасына Аббосбек Файзуллаев алып келди. Эми 23-июнда Өзбекстан Португалияга… Кененирээк…
Кыргызстандагы эң чоң стадиондун курулушу дээрлик аягына чыгып калды. 51 миң көрүүчүгө ылайыкталган “Бишкек Арена” 1-августта пайдаланууга берилет. Стадион FIFA жана AFC стандарттарына ылайык курулуп жаткандыктан, өлкөдө эл аралык деңгээлдеги оюндарды жана мелдештерди өткөрүүгө мүмкүнчүлүк түзөт. Долбоордун алкагында ири соода борбору да курулууда. Андан түшкөн… Кененирээк…
