Зинедин Зидан Франциянын футбол боюнча курамасынын башкы машыктыруучусу болуп расмий дайындалды. 54 жаштагы адис менен келишим 2030-жылдагы дүйнө чемпионатына чейин түзүлдү. Ал бул кызматта 2012-жылдан бери иштеп келген Дидье Дешамдын ордун басты. Зидан үчүн бул улуттук курама команданы жетектеген алгачкы тажрыйба болот. Буга… Кененирээк…
Кыргызстан менен Өзбекстандын чек арасында аянты 12 миң чарчы метрден ашкан соода-логистикалык борбор курулду. Бул тууралуу Бишкекте өткөн Кыргыз-өзбек бизнес-форумунда айтылды. Долбоор Жалал-Абад жана Наманган облустарынын чек арасында жайгашып, анын базасында чакан экономикалык аймак түзүү сунушталууда. Алгач борбор жергиликтүү өндүрүшчүлөрдүн товарларын сатууга багытталса, кийин… Кененирээк…
Монополияны жөнгө салуу кызматы күйүүчү май ташыган компаниялар менен бааны турукташтыруу боюнча макулдашууга кол койду. Макулдашуу АИ-92 бензини, дизель жана автогаз менен туруктуу камсыздоого, ошондой эле күйүүчү майдын негизсиз кымбатташына жол бербөөгө багытталган. Анын аткарылышын Монополияны жөнгө салуу кызматы көзөмөлдөйт.
Кыргызстан Россия менен ай сайын 100 миң тонна күйүүчү-майлоочу май жеткирүү боюнча сүйлөшүүлөрдү жүргүзүп жатат. Министрлер кабинетинин төрагасынын биринчи орун басары Данияр Амангелдиевдин айтымында, күйүүчү май рыноктук баада сатылат. Андан тышкары, Кыргызстан Беларусь жана Кытайдан күйүүчү май алып жатат, ошондой эле Өзбекстан менен… Кененирээк…
Жаңы окуу жылынан тарта Кыргызстан мектептеринин 8-класстары үчүн кесипке багыт берүүчү даярдык сабактары киргизилет. Агартуу министрлигинин маалыматына ылайык, окуучулар үчүн 14 программа иштелип чыгып, алар жумасына эки сааттан окутулат. Максаты — окуучуларды ар кандай кесиптер менен тааныштырып, келечектеги адистигин аң-сезимдүү тандоого жардам берүү.
Кыргызстандагы миграциялык мунапыс аяктоого саналуу күндөр калды. Мыйзам бузган чет өлкөлүк жарандар үчүн “жашыл коридор” 31-июлга чейин гана иштейт. Бул мөөнөткө чейин алар өлкөдөн айып төлөбөй чыгып кете алат. Бул үчүн милициядан атайын кат алып, расмий сайт аркылуу акысыз чыгуу визасын тариздөө керек.… Кененирээк…
Бишкектеги жаңы Чыгыш айланма жолун ушул жылдын декабрь айында пайдаланууга берүү пландалууда. Мэриянын маалыматына ылайык, узундугу 16 чакырым болгон жол Көк-Жар айылынан башталат, ал шаардагы тыгындарды азайтып, транзиттик унаалардын агымын жеңилдетет деп күтүлүүдө. Ошондой эле учурда Иманалиев жана Муромская көчөлөрүн реконструкциялоо иштери да жүрүп… Кененирээк…
Кыргыз-өзбек бизнес-форумунун алкагында жалпы суммасы 800 миллион долларга жакын 14 меморандум жана келишимге кол коюлду. Улуттук инвестиция агенттигинин жетекчиси Равшан Сабировдун айтымында, документтер өнөр жай, текстиль, айыл чарба, туризм жана инфраструктура тармактарындагы кызматташтыкты кеңейтүүгө багытталган. Ошондой эле тараптар Кыргызстан менен Өзбекстандын ортосундагы товар жүгүртүүнү… Кененирээк…
Жаңы окуу жылынан тарта өлкөдөгү 500 мектептин 3- жана 5-класстары үчүн шахмат ийримдери ачылат. Агартуу министрлигинин маалыматына ылайык, бул пилоттук долбоор министрлик бекиткен мектептерде ишке ашырылат. Шахмат ийриминин окуу программасы жана аны өткөрүү тартиби министрликтин расмий сайтына жарыяланат.
“Кыргыз-Ата” жана “Беш-Таш” улуттук жаратылыш парктарында, ошондой эле “Падыша-Ата” коругунда автоматташтырылган көзөмөл-өткөрүү бекеттери орнотулду. Жаратылыш ресурстары министрлигинин маалыматына ылайык, жаңы система аймактарды көзөмөлдөөнү күчөтүп, транспорттун кирип-чыгышын так эсепке алууга жана төлөмдөрдүн ачык-айкын жүргүзүлүшүнө шарт түзөт. Жаңы бекеттерде банк карталары, QR-коддор жана электрондук капчыктар аркылуу… Кененирээк…
