«Сары-Челек» мамлекеттик биосфералык коругунда жаңы өткөрмө бекеттин курулушуна капсула салынды. Жаратылыш ресурстары, экология жана техникалык көзөмөл министрлиги билдиргендей, пункт коруктун инфраструктурасын жакшыртууга, аймакка кирүүнү көзөмөлдөөнү күчөтүүгө жана келгендер үчүн ыңгайлуу шарттарды түзүүгө багытталган. Коруктун аймагы Сары-Челек көлү, тоолуу токойлору, бай өсүмдүктөр жана жаныбарлар… Кененирээк…
Өлкөдө көмүр сатуу башталып, Бишкек шаарында отундун баасы тоннасына 7 миң сом деп белгиленди. Бул тууралуу “Кыргызкөмүр” ачык акционердик коомунун башкы директору Рустамбек Садыралиев билдирди. Анын айтымында, учурда Бишкек жана Чүй облусундагы көмүр кампаларга Кара-Кечеден казылып алынган көмүр жеткирилүүдө. Маалыматка ылайык, көмүрдүн баасы… Кененирээк…
Бүгүн саат 02:49да Ысык-Көл облусунда жер титирөө катталды. Бул тууралуу Сейсмология институтунан билдиришти. Маалыматка ылайык, жер титирөөнүн күчү 3,5 баллды түздү. Жер титирөөнүн очогу Кара-Сай айылынан 22 чакырым түндүк-чыгышта, Барскоон айылынан 53 чакырым түштүк-чыгышта жайгашкан. Кара-Сай айылында жер титирөөнүн күчү 2,5 баллга жеткен.
Кыргызстанда BARS улуттук бренди менен автоунаа чыгарылат. Өнүм ички рыноктон тышкары Борбор Азия жана Евразия экономикалык бирлигине мүчө өлкөлөрүнө экспорттолорун Экономика жана соода министрлиги билдирди. Электр кыймылдаткычы менен иштеген жеңил, коммерциялык жана атайын багыттагы автоунааларды өндүрүүгө жана чогултууга багытталган автомобиль өнөр жай кластерин түзүү… Кененирээк…
Муниципалитеттен билдиришкендей, Мамыров жана Абдыкадыров көчөлөрүн бириктирген Абдувалиев көчөсү толугу менен оңдолду. Узундугу 1 чакырымга жакын жол 12 метрге чейин кеңейтилип, эки тилкелүү жолго жаңы асфальт төшөлдү. Ошондой эле жөө жүргүнчүлөр үчүн өтмөктөр жана суу агызуучу лотоктор курулду.
Жогорку соттон билдиришкендей, курулуштарга капсула салынды. Мекеменин маалыматына караганда, жаңы имараттардын курулушу сот адилеттигинин сапатын жогорулатууга жана жарандардын сот бийлигине болгон ишенимин бекемдөөгө багытталган.
Өзгөчө кырдаалдар министрлигине караштуу Токой кызматы үч жаңы автоунаа сатып алды. Мекемеден билдиришкендей, унаалар Токойлорду коргоо жана сактоо станциясына, Токой долбоорлорун ишке ашыруу бөлүмүнө жана Токой жайгаштыруу жана аңчылык регионалдык башкармалыгына тапшырылды.
Жергиликтүү мэриядан билдиришкендей, анын алкагында Октябрдын 60 жылдыгы, Тамчы-Булак, Чоң-Таш, Рыскулов, Оттук, Оттук-2 жана Тянь-Шань көчөлөрүндө жаан-чачын сууларын агызуучу арыктар жана лотоктор курулат. Ошондой эле суу топтолгон жерлерге өткөрүүчү шакекчелер коюлат. Долбоорду каржылоо «Теңир-Тоо» өнүктүрүү фондуна сунушталган.
Баткендеги Мадыген аймагы палеонтологиялык мурас катары дүйнөлүк баалуулуктар тизмесине киргизилди. Бул тууралуу Жаратылыш ресурстары, экология жана техникалык көзөмөл министрлиги билдирди. Мекеменин маалыматында, «Мадыген: дүйнөлүк маанидеги палеонтологиялык кенч» аттуу эл аралык симпозиуму өткөн. Мадыген тоолорунда палеонтология жана геологиялык изилдөөлөр жүрүп келет. Анын алкагында геопарктан… Кененирээк…
Өзгөн районундагы Кандава айылында 225 орундуу жаңы мектеп курулууда. Курулуш министрлигинен билдиришкендей, үч блоктон турган мектепте үч кабаттуу окуу корпусу, ашкана, китепкана жана спорт залы болот. Курулуш иштери 2025-жылдын июль айында башталган долбоор республикалык бюджеттен каржыланууда. Учурда бетон орнотуу иштери аяктап, дубалы тургузулууда.
