Жалал-Абад облусунда17 окуучуга президенттин белеги тапшырылды. Бул тууралуу президенттин облустагы өкүлчүлүгүнөн билдиришти.
Маалыматка ылайык, Жалал-Абад облусунан жаңы жылга карата өлкө башчысына жалпы 17 окуучу кат жазган. Алардын каалоолорун орундатып, президент тарабынан атайын белектер жиберилди. Алар район-шаарларда жергиликтүү бийлик жетекчилери тарабынан өз ээлерине жеткирилди.
«Бүгүн президентинин өкүлү Абсаттар Сыргабаев Сузак районунун 6-класстагы окуучусу Мээрим Анварбековага президент тарабынан жиберилген уюлдук телефон жана башка белектерди тапшырды. Ыйгарым укуктуу өкүл окуучуну куттуктап, ийгиликтерди каалады», — деп айтылат маалыматта.
Белгилей кетсек, быйыл КР президентинин балаты майрамына Жалал-Абад облусунан аз камсыз болгон үй-бүлөлөрдүн, ата-энесинен ажыраган, Жалал-Абад балдар психоневрологиялык социалдык-стационардык мекемесинен, “Ак-Жол” балдар үчүн реабилитациялык борборунан жалпы 42 бала катышкан.
