Туристтик сезондун башталышы менен Кыргызстандын чек арасындагы өткөрүү бекеттерине каттам кыйла көбөйдү.
Мамлекеттик чек ара кызматы кабарлагандай, быйыл апрелде мамлекеттик чек арадан 3 миллиондой адам өтсө, июнь айында бул көрсөткүч 3,5 миллиондон ашты. Натыйжада жүргүнчүлөрдүн агымы дээрлик 18% көбөйдү.
Чек ара кызматы активдүү туристтик сезонго, өлкөдө өтө турган ири эл аралык иш-чараларга, анын ичинде Шанхай кызматташтык уюмунун саммитине жана VI Дүйнөлүк көчмөндөр оюндарына байланыштуу комплекстүү даярдык иштерин жүргүздү.
Өткөрүү пункттарынын бардыгы штаттык режимде иштөөдө.
