Бишкек, Аламүдүн жана Сокулук райондорунун тургундары экологиялык таза жылытуу жабдууларын сатып алуу үчүн жеңилдетилген насыя ала алышат. Бул мүмкүнчүлүк “Абанын сапатын жакшыртуу” долбоорунун алкагында берилүүдө.
Мэриянын маалыматына ылайык, жарандарга 1 миллион сомго чейин насыя 5 жылга, жылдык 6 пайыздык чен менен сунушталат. Каражат жылуулук насосторун, электр казандарын, күн панелдерин жана башка энергияны үнөмдөөчү жабдууларды сатып алууга жана орнотууга жумшалат.
