Чүй облусунун Сокулук районунда үй-булөлүк дарыгерлер тобунун жаңы имараты ачылды. Саламаттыкты сактоо министрлигинин маалыматына ылайык, объект Военно-Антоновка айылында жайгашат. Медициналык мекеме Катардын кайрымдуулук фондунун каржылоосу менен 10 миллион сомго курулду.
Андан тышкары, Жалпы дарыгердик практика борборунун бюджетинен 10 миллион сом бөлүндү. Өз кезегинде Военно-Антоновка айыл өкмөтү керектүү эмеректерди сатып алган.
