Кыргызстанда бардык жер жана жайыттар боюнча бирдиктүү санариптик карта түзүлүүдө. Бийлик жер тилкелери тууралуу чачыранды маалыматты бир онлайн системага бириктирүүнү чечти.
Бул үчүн бир нече санариптик платформалар ишке киргизилип жатат, анын ичинде фермерлердин ишин эсепке алуу системасы жана жайыттардын абалын мониторинг кылуу платформасы бар. Айыл чарба министрлигинен билдиришкендей, негизги максат — бардык маалымат базаларын бириктирүү.
