Кыргызстанда экспортко чыгарылуучу продукцияга ветеринардык сертификат эми “Тулпар” маалыматтык системасы аркылуу берилет. Бул тууралуу Айыл чарба министрлиги билдирди.
Сертификат алуу үчүн ишкерлер электрондук арыз тапшырып, андан кийин продукция ветеринардык-санитардык талаптарга ылайык текшерилет. Ошондой эле лабораториялык изилдөө жүргүзүлүп, анын жыйынтыгы системага киргизилет.
Жаңы тартип кызмат көрсөтүүнү санариптештирип, сертификат берүү процессин жеңилдетет.
