Кыргызстанда санарип аттестаттар киргизилүүдө. Бул тууралуу Агартуу министринин орун басары Лира Самыкбаева билдирди. Анын айтымында, мындай документтер бул жылдын бүтүрүүчүлөрүнө гана эмес, буга чейинкилерге дагы берилүүдө.
2000-жылдан берки аттестаттар электрондук вариантка өткөрүлүп жатат. Санарип аттестаттар бир катар артыкчылыкка ээ.
Алсак, алар тез арада даярдалып, жоготуу учурунда калыбына келтирүү оңой. Андан тышкары, ар бир аттестатта уникалдуу QR-код бар — аны менен документтин аныктыгын текшерсе болот.
