Кыргызстандын бардык коомдук жайларында заманбап видео байкоо камералары орнотулууда. Ички иштер министрлигинен билдиришкендей, бул жаатта жумуштар “Коопсуз өлкө” долбоорунун алкагында жүрүп жатат.
Техника күнү-түнү абалды көзөмөлдөөгө, тартип бузууларды аныктоого жана аларга ыкчам таасир берүүгө мүмкүнчүлүк түзөт. Камералардын жардамы менен милиция кызматкерлери кылмышкерлерди аныктап, тиешелүү чараларды көрүүдө, — дешти ведомстводон.
