Кытай менен Беларусь Кыргызстанга күйүүчү май жеткирүүгө макулдугун берди. Бул тууралуу Министрлер кабинетинин төрагасынын биринчи орун басары Данияр Амангелдиев билдирди.
Анын айтымында, Кытайдан 3 миң тонна авиакеросин жеткирүү боюнча келишим бекитилип, кошумча 5 миң тонна дизель сатып алуу боюнча сүйлөшүүлөр жүрүүдө.
Ошондой эле Беларусь менен 3 миң тонна авиакеросин жана 10 миң тонна дизель жеткирүү тууралуу келишим түзүлдү. Учурда бул жүктөрдү алып келүү үчүн Россия аркылуу транзит маселеси талкууланууда.
