Мамлекеттик салык кызматы чакан жана ири бизнес үчүн рейтинг системасын киргизүүнү пландап жатат.
Тиешелүү токтом даярдалууда. Компанияларды баалоо салыктардын өз убагында төлөөсү, бузуулардын жоктугу, отчеттордун тактыгы жана жаңы жумуш орундарын түзүү көрсөткүчү менен жүргүзүлөт. Рейтинги жогору болгон салык төлөөчүлөр мамлекеттик колдоо алат: текшерүүлөр азайып, жеңилдетилген насыялар берилип, атайын өнүктүрүүчү программалар колдонулат. Келечекте система кеңейтилиши мүмкүн.
