Манас шаарында катуу шамал менен нөшөрлөгөн жаан зыянга учуратты.
Өзгөчө кырдаалдар министрлигинин маалыматына ылайык, жаратылыш кырсыгынан жети көп кабаттуу үйдүн чатыры жабыркап, бак-дарактар кулап, сегиз үйдүн короосун суу каптады.
Кулаган бактардан эки адам жабыркаган. Алардын абалы канааттандырарлык. Жаан-чачындан улам жол кесилишин жана курулуп жаткан мечиттин пайдубал чуңкурун да суу каптаган. Учурда кесепеттерди жоюу иштерине 79 адис жана 12 техника тартылып, аймактар тазаланууда. Абал көзөмөлдө.
