Мектептерди 12 жылдык окууга өткөрүүнүн алкагында чыгарылган жаңы китептер аймактарга жеткирилип баштады. Бул тууралуу Агартуу министри Догдуркүл Кендирбаева билдирди.
Анын айтымында, учурда “Учкун” басманканасында 3-9-класстар үчүн англис тили боюнча окуу-методикалык топтомдор чыгарылып жатат. Жалпы нускасы 2 миллионду түзөт. Андан кийин математика жана табигый илимдер китептери басылат. Министр быйыл жалпысынан окуу куралдарын чыгарууга 744 миллион сом бөлүнгөнүн кошумчалады.
