Кыргызстанда мэрлер менен акимдер жылына эки жолу эл менен жолугууга милдеттендирилди. Президент Садыр Жапаров тиешелүү мыйзамга кол койду.
Документти Жогорку Кеңеш 2026-жылдын 10-июнунда кабыл алган. Ага ылайык, Бишкек жана Ош шаарларынын мэрлери, жергиликтүү мамлекеттик администрация башчылары-акимдер калк менен жылына эки жолу, ар бир жылдын февраль-мартында жана ноябрь-декабрында милдеттүү жолугушууларды өткөрөт.
Аталган мыйзам расмий жарыяланган күндөн тартып күчүнө кирет.
