Ош шаарында таштандыны кайра иштетип, электр энергиясын өндүрө турган заводдун курулушу уланууда.
Бул Кыргызстандагы ушундай экинчи ири ишкана болот. Учурда имараттын биринчи кабаты бүтүп, экинчи кабатында иштер жүрүп жатат.
Долбоордун баасы 8 миллиард 312 миллион сомду түзөт. Завод суткасына 800 тоннадан ашык таштанды иштетип, 30 мегаваттка чейин электр энергиясын өндүрөт. Ишкананы 2027-жылдын аягында ишке берүү пландалууда.
