Бишкек менен Чүйдү газдаштырууга 5 млн сомдон ашык жеңилдетилген насыя берилди. Бул тууралуу Каржы министрлигинен билдиришти. Долбоордун алкагында 36 субъект кредит алды. Белгиленгендей, кредиттөөнүн көлөмү жалпысынан 1 млрд сомду түзөт.
Кыргызстанда «Айыл чарбасын каржылоо-12» долбоорунун алкагында 6 миң 660тан ашык дыйканга жеңилдетилген насыя берилди. Суу ресурстары, айыл чарба жана кайра иштетүү өнөр жай министрлигинен билдиришкендей, сумма 2 млрд 660 млн сомдон ашты. Кредит алгандар мал чарбачылыгы жана өсүмдүк өстүрүү менен алектенишет. Долбоорду ишке ашырууга… Кененирээк…
Жалал-Абад шаарында 300 орундуу заманбап кинотеатр курулууда. Муниципалитеттен билдиришкендей, объект шаардын Спутник кичи районундагы Түмөнбай Байзаков атындагы парктын аймагына салынып жатат. Курулуш республикалык бюджеттен Жалал-Абад шаарын өнүктүрүүгө бөлүнгөн каражаттын эсебинен жана жергиликтүү бюджеттен каржыланууда.
Өзгөчө кырдаалдар министрлиги туруксуз аба ырайына байланыштуу шашылыш билдирүү таратты. Маалыматка ылайык, бүгүн жана эртең өлкөдө нөшөрлүү жаан-чачын күтүлүүдө. Буга байланыштуу Ош, Жалал-Абад, Баткен жана Ысык-Көл облустарынын тоолуу жана тоо этектериндеги райондорунда сел жүрүшү, дарыяларда суунун деңгээли көтөрүлүшү күтүлөт. Селдин, суу каптоонун алдын… Кененирээк…
Кыргызстанда жалпы үй шартында 138 менчик бала бакча иштеп жатат. Бул тууралуу Билим берүү жана илим министрлиги билдирди. Мекеменин маалыматына ылайык, Бишкек шаарында, жаңы конуштарда үй тибиндеги 43 бала бакча ачылган. Ош шаарында жана Ош облусунда 18, Баткенде 12, Нарын менен Таласта сегизден, Чүй… Кененирээк…
Нарын облусунда Калинин – Пограничник – Кызыл-Туу унаа жолуна асфальт төшөлдү. Транспорт жана коммуникацилар министрлигинин маалымат кызматынан билдиришкендей, аталган унаа жолдо 3 чакырым аралыкка асфальт төшөлүп, жумуштар толук жыйынтыкталды. Учурда жолчулар тарабынан жолдун 7-10-чакырым аралыгында орто оңдоо иштери жүрүүдө.
10-июндан тарта Чүй проспектисинин Манас проспектисинен Төрөкул Айтматов көчөсүнө чейинки тилкесинде оңдоо иштери башталат. Бул тууралуу мэриядан билдиришти. Андан тышкары, Бишкектин дагы 3 негизги көчөсүндө ремонт жүргүзүлөт – Горький, Юнусалиев көчөлөрүндө жана Жибек Жолу проспектисинде.
Чүй облусундагы жаңы цемент заводу ушул жылдын август айында ачылат. Кабар агенттигинин маалыматы боюнча, ишканада 450 жумуш орду пайда болот. Курулушка 45 миллион доллар бөлүнгөн. Завод ишке берилсе, өлкөдөгү эң ири ишканалардын бири болуп эсептелет. Анда алдыңкы технологиялар колдонулуп, өндүрүш калдыксыз болору күтүлүүдө. Ишкананын… Кененирээк…
Кыргызстандын башкы прокурору Курманкул Зулушев өз каалоосу менен кызматтан кетүү арызын жазды. Бул тууралуу өлкө башчынын аппаратынан билдиришти. Генералдык прокурордун отставкасын Жогорку Кеңеш кабыл алышы керек. Учурда бул кызматка талапкерлер тандалып жатат. Эске салсак, Курманкул Зулушев прокуратура тармагын 2020-жылдын октябрында жетектеп баштаган.
Бишкекте жаңы ачылган троллейбус каттамы кайрадан жабылды. Бул тууралуу мэриядан билдиришти. Шаар бийлиги Асанбай кичи районунан Аламүдүн-1ге чейин жүргөн троллейбусту алуу чечимин кабыл алды. Буга бир нече себептер аталды – кирешенин аз түшкөнү, айдоочулардын жетишсиздиги жана окшош автобус каттамы болгону.
