Ысык-Көл облусунун Ысык-Көл районундагы Темировка айылында фельдшердик-акушердик пункттун жаңы имаратынын курулушуна капсула салынды. Президенттин аймактагы өкүлчүлүгүнөн билдиришкендей, ФАПтын имаратынын курулушу “Ас-Сафа” кайрымдуулук фондунун каржылык колдоосу менен башталды. Объектти ушул жылдын август айында пайдаланууга берүү пландалууда.
Эртең Бишкекте айрым автобус жана троллейбустардын каттамы өзгөрөт. Муниципалитеттен билдиришкендей, мунун себеби Жеңиштин 79 жылдыгына арналган иш-чараларга байланыштуу. Ага ылайык, №36 автобус Абдрахманов көчөсү менен Жибек Жолу проспектисинен Чүй проспектисине чейин каттайт. №2 жана №8 троллейбустар Жибек Жолу проспектиси – Лермонтов көчөсү – Чүй… Кененирээк…
Бишкектеги «Асанбай» паркынын ордуна заманбап оюн-зоок жайы курулат. Мэриядан билдиришкендей, парк жаңы форматта жана жаңы аттракциондору менен болот. Ал эми учурда иштеп жаткан зоопарк жалпы концепцияга ылайыкташтырылгандыктан, ишин улантат. Бүгүнкү күндө “Бишкек башкы архитектура” ишканасы тарабынан долбоор иштелип жатат.
Жолдош Чуштуков «Тазалык» ишканасынын директору болуп дайындалды. Бул тууралуу Бишкек мэриясынан билдиришти. Бүгүн, 8-майда Бишкек мэринин орун басары Рамиз Алиев «Тазалык» муниципалдык ишканасынын кызматкерлерине жаңы жетекчинин тааныштырды.
Кыргызстандын тоолуу аймактарында сел жүрүшү мүмкүн. 10-12-майда күтүлүп жаткан туруксуз аба ырайына байланыштуу Кыргызгидромет кызматы шашылыш билдирүү таратты. Маалыматка ылайык, өлкөдө мезгил-мезгили менен жаан жаап, күн күркүрөп, бийик тоолуу райондордо кар жаайт. Мындай туруксуз аба ырайы автоунаа, энергетика жана коммуналдык кызматтардын ишин жана… Кененирээк…
Жеңиш күнүнө арналган иш-чараларда тартипти 7 миңге жакын милиция кызматкери камсыздайт. Бул тууралуу Ички иштер министрлигинин басма сөз кызматы билдирди. Ошондой эле жол коопсуздугун камсыз кылууга, жол кырсыктарын жана башка укук бузууларды алдын алууга өзгөчө көңүл бурулат.
Кыргызстанда 11-класстын окуучуларына Жалпы республикалык тестирлөө өткөрүү күндөрү белгиленди. Билим берүү жана илим министрлигинен такташкандай, тестирлөө үч этапта өтөт. Биринчиси 18-20-майда, экинчиси 22-24-майда болот. Үчүнчү этап жүйөлүү себептер менен тест тапшырбай калгандарга 21-23-июнда болот. Каттоого жетишпей калган бүтүрүүчүлөр үчүн 17, 21-май жана 20-июнь… Кененирээк…
Жалал-Абад облусунун Аксы районуна караштуу Жүзүмжан айылында 10 үй-бүлө убактылуу коопсуз жайга көчүрүлдү. Novosti.kgге жергиликтүү бийликтен билдиришкендей, аталган аймакта эски жер көчкү активдешкени байкалууда. Өзгөчө кырдаалдар министрлигинин маалыматына караганда, өлкөдө кооптуу аймактарда 3 миң 900гө жакын адам жашайт. Алардын миңден ашууну Жалал-Абад облусунун аймагында… Кененирээк…
Бишкектик активисттер өлкөдөгү жалгыз ботаникалык бакчанын кызматкерлерине өсүмдүктөрдү багуу үчүн 30дан ашык техника тапшырды. Алар бул үчүн каражатты жыл бою чогултушкан. Жалпысынан 1 миллион 600 миң сомго жакын каражат топтолгон. Бул суммага 39 буюм-тайым сатылып алынган. Бишкектеги ботаникалык бакта Кызыл китепке кирген өсүмдүктөр өстүрүлүп,… Кененирээк…
Мектептердин жанында жол кыймылы үчүн максималдуу ылдамдык саатына 40 чакырымдан 30 чакырымга кыскарды. Ички иштер министрлигинин маалыматына караганда, балдардын коопсуздугун камсыздоо чаралары дүйнөлүк практиканы эске алуу менен көрүлүүдө. Учурда трассага жакын жайгашкан сегиз мектептин жанына жол белгилери орнотулду.
