Бишкектин айрым жерлеринде үч күн газ болбойт. «Бишкекгаз» кызматынын маалыматына караганда, 6-майдан 8-майга чейин чоң Чүй каналы, Курманалиев, Лермонтов көчөлөрү, Чүй проспекти, Осмонкул, Жибек Жолу, Фрунзе көчөлөрү менен чектелген аймакта көгүлтүр от убактылуу өчүрүлөт. Убактылуу чектөөнүн себеби ремонт иштерине байланыштуу.
Ош – Сары-Таш – Эркечтам унаа жолунун Талдык жана Тоң-Мурун ашууларында кар жаап, бороон болууда. Унаа жана жолдор министрлигинен билдиришкендей, учурда жеринде атайын техникалар тынымсыз иш алып барып жатат. Ведомстводон белгилешкендей, айдоочулар алыс жолго чыгардын алдында аба ырайынын шартын эске алуу менен керектүү… Кененирээк…
Лейлекте 150 орундуу мектеп ачылат. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти. Маалыматка ылайык, объект Баткендин Сары-Дөбө айылында курулууда. Эки кабаттуу имарат республикалык бюджеттин жана Мамлекеттик казына облигацияларынын эсебинен каржыланган.
Улуттук банк эсептик ченди 11 пайызга чейин төмөндөттү. Бул тууралуу өлкөнүн башкы каржы мекемесинин расмий өкүлү Аида Карабаева билдирди. Анын айтымында, чечим бүгүн, 30-апрелде күчүнө кирди. Кыргызстанда инфляциялык процесстер жайлап жатат. Апрелде жылдык инфляциянын деңгээли 5,2 пайызды түзүп, акча-кредит саясатынын орто мөөнөткө каралган максаттуу… Кененирээк…
Ош облусуна киргизилген өзгөчө кырдаал режими алынды. Өзгөчө кырдаалдар министрлигинен билдиришкендей, режим облус аймагында абал турукташып, сел каптаган райондордо калыбына келтирүү, тазалоо жумуштары аяктаганына байланыштуу аймактагы президенттин өкүлүнүн буйругунун негизинде кечээ алынган. Белгилеп кетсек, 20-апрелде Ош облусунун аймагында сел жүрүп, үйлөрдүн короолорун, унаа… Кененирээк…
Бишкектин Чоң-Арык конушунда Үй-бүлөлүк медицина борбору курулууда. Мэриядан билдиришкендей, имаратта ЭКГ жана УЗИ кабинеттери, дарыгерлер бөлмөсү, техникалык аймак жана стерилизацияланган бөлмөлөр каралат. Андан тышкары, бейтапкананын айланасын көрктөндүрүү иштери жүргүзүлөт.
Баткен облусунун Лейлек районунда Ак-Суу каналынын курулушу уланууда. Өзгөчө кырдаалдар министрлигинин маалыматына ылайык, 2 миң 500 метр узундуктагы аталган каналдын курулушу бүтсө, Жеңиш, Ак-Суу айылдары жана эгин аянттары сел коркунучунан корголуп, 95 гектар жер аянты өздөштүрүлөт. Учурда бул долбоордун курулуш иштеринин алгачкы этабы… Кененирээк…
Ордо калаада №5 жана 7-троллейбустун каттамдары убактылуу токтотулду. Троллейбус башкармалыгынан билдиришкендей, мындай чектөөлөр 7-апрель көчөсүнүн Горький-Чүй тилкесинде авариялык иштер аткарылганына байланыштуу киргизилди. Каттамдар жумуштар толук аяктагандан кийин жанданат.
Бишкектин Ак-Босого конушунда бала бакчанын курулушу уланууда. Мэриядан билдиришкендей, имарат 140 орунга чакталат. Анда оюн бөлмөлөрү, сактоочу жай, уктоочу бөлмө, медициналык кабинет, музыка жана гимнастика залдары каралган. Учурга карата объекттин темир-бетонндук каркасы тургузулуп, чатыр салынууда.
Бүгүн бирдиктүү салык декларациясын тапшыруунун акыркы күнү. Мамлекеттик салык кызматынан такташкандай, бүгүн салык органдары түнкү саат 12ге чейин иштейт. Эске салсак, 1-майда бирдиктүү декларация тапшыруу мөөнөтү соңуна чыгат. Физикалык жактар отчетторун “жеке кабинет” аркылуу онлайн форматта же салык кызматына келип кагаз түрүндө тапшырса болот.… Кененирээк…
