Курман айтка байланыштуу милиция кызматтын күчөтүлгөн тартибине өтүүдө. Бул тууралуу Ички иштер министрлигинин басма-сөз кызматынан билдиришти. Коомдук тартипти сактоого 6 миң милиция кызматкери тартылса, 1 миңден ашык инспектор атайын посттордо жол кыймылынын коопсуздугун камсыздайт. Эске салсак, эртең өлкөдө Курман айтка байланыштуу эс алуу жарыяланды.
Нарын облусунун Кочкор районунун Ара-Көл айылында 150 орундуу мектеп курулуп жатат. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти. Маалыматка ылайык, учурда Мамкурулуштун директору Мырзабек Жыпаркулов аталган мектептин курулуш иштери менен таанышып, сапатын текшерип жүрөт. Белгиленгендей, мектеп жаңы окуу жылына карата… Кененирээк…
Бишкектеги шаардык перинаталдык борборунда 20-июнда үч эм: эки кыз, бир уул жарык дүйнөгө келди. Саламаттык сактоо министрлиги маалымдагандай, ымыркайлардын бири — 1,4 кг (уул бала), кыздардын бири 1,74 кг, экинчиси — 1,69 кг салмакта төрөлдү. «Ымыркайлар мөөнөтүнөн мурда — 33 жумасында жарык дүйнөгө келди. Алгачкы… Кененирээк…
Грузияда өсүмдүктөр үчүн мейманкана ачылды. Дүйнөдөгү биринчи мындай конок үйүнүн негиздөөчүсү Тамар Размадзенин айтымында, анын идеясына суроо-талап күндөн күнгө өсүүдө. Алсак, эс алууга кетип бара жаткандар гүлдөрүн, үй өсүмдүктөрүн аталган мейманканага таштап кетсе, флористтер аларга тиешелүү кам көрөт. Зарыл болсо, дарылоо дагы жүргүзүлөт.
Бишкектин борбордук бөлүгү эртең унаа кыймылына жабылат. Жол кыймылынын коопсуздугун камсыздоо башкы башкармалыгынан билдиришкендей, айт намазга байланыштуу түнкү саат 2ден эртең мененки 9га чейин Панфилов, Фрунзе, Тыныстанов көчөлөрүн жана Чүй проспектисин бириктирген бөлүк тосулат. Жарандарга бул тилкеде унааларын калтырбоо сунушталат.
Ысык-Көл жана Сон-Көлдө балык улоого тыюу салынышы мүмкүн. Айыл чарба министрлиги балык чарбачылыгын өнүктүрүү максатында 3 жылдык мораторий киргизүүнү сунуштап жатат. Документ талкууга коюлду. Ал кабыл алынса, министрлер кабинети балык улоого уруксат бериле турган көлдөрдү аныктай турган тизме түзүү керек болот.
Бишкек ЖЭБин газга өткөрүү – электр энергиясына жана жылуулукка тарифтерди кымбаттатат. Бул тууралуу ордо калаа мэри Эмилбек Абдыкадыров билдирди. Анын айтымында, газдаштыруу экологияга чоң пайда алып келгени менен бааларды көтөрүүгө алып келет. Андыктан, мындай өзгөрүүлөр боюнча ой-пикир чогултуу үчүн шаар тургундары арасында сурамжылоо жүргүзүлөт.… Кененирээк…
Экономика министрлиги административдик райондорунда өнөр-жай аймактарын түзүүнү сунуштады. Бул заманбап өндүрүш уюштурууга, ишканалардын эффективдүүлүгүн жогорулатууга, инвесторлордун суроо-талабын аткарууга жана башка максаттарга багытталган идея. Токтом долбоор коомдук талкууга чыгарылды. Документ кабыл алынса, облустардагы президенттин ыйгарым укуктуу өкүлдөрүнө жана Бишкек, Ош мэрлерине, айыл өкмөттөргө өнөр-жай аймактарын… Кененирээк…
Килиан Мбаппе жайкы трансфер учурунда “Реалга” өтүшү мүмкүн. 24 жаштагы француз форвардынын агенттери бир нече айдан бери бери ПСЖ менен жашыруун сүйлөшүүлөрдү жүргүзүүдө. Айрым маалыматтарга ылайык, “Реал” Мбаппени 200 милион еврого жана 20 миллион евро бонустарга сатып алууга даяр. Ал эми ПСЖ жылдыздуу оюнчусу… Кененирээк…
Ош – Сургут – Ош аба каттамынын саны көбөйтүлдү. 26-июндан тарта ата мекендик авиа компания аталган багыт менен дүйшөмбү күндөрү учууларды ишке ашырат. Буга чейин түштүк калаадан Сургутка ишемби күндөрү гана учактар каттап келген.
