Билим берүү министрлиги Жогорку окуу жайларга кабыл алуунун дагы бир турун өткөрөт. Ведомстводон билдиришкендей, бешинчи айлампа 14-16-август күндөрү болот. ЖОЖдорго тандоо “Абитуриент онлайн” автоматташтырылган системасы аркылуу жүргүзүлөт. Университеттерге тапшыргандардын тизмеси 21-августтан 23-августка чейин илинет.
Бүгүнкү күндө «Мекен-карт» 92 адамга берилди. Бул тууралуу Эмгек, социалдык камсыздоо жана миграция министри Кудайберген Базарбаев билдирди. Эске салсак, “Мекен-карт” мурда Кыргызстандын жараны болгон чет өлкөлүктөргө, алардын балдары, неберелерине берилет. Аны алган кыргызстандыктарга тарыхый мекенине визасыз кирип-чыгууга, уруксат документи жок эле иштөөгө, убактылуу жашоого… Кененирээк…
Быйыл жыл аягына чейин 100, жаңы окуу жылына карата 36 мектеп пайдаланууга берилет. Бул тууралуу Министрлер кабинетинин төрага орун басары Бакыт Төрөбаев билдирди. Анын айтымында, 2023-жылы республика боюнча 204 мектептин курулушу башталган. Жалпысынан 491 объектинин курулушуна жана капиталдык оңдоп-түзөө жумуштарына республикалык бюджеттен 8… Кененирээк…
Кыргызстанда 2027-жылдан тарта желим буюмдарды өндүрүүгө, сатууга жана акысыз берүүгө тыюу салынат. Тиешелүү мыйзамга Садыр Жапаров кол койгонун президенттин басма сөз кызматы билдирди. Документти Жогорку Кеңеш 29-июнда кабыл алган. Ага ылайык, Кыргызстандын өзгөчө корголуучу жаратылыш жана биосфералык аймактарында тыюу 2024-жылдын 1-январынан баштап иштеп баштайт.… Кененирээк…
Балыкчы шаарынын 64 жаштагы тургуну Ысык-Көлдү велосипед менен үч күндө айланып чыкты. Жергиликтүү бийликтин маалыматына караганда, Таштан Иманов жолго 7-август күнү Көлдүн тескей тарабы менен чыккан. Балыкчыга бүгүн кайтып келген Таштан Иманов күн сайын эртең мененки саат 6дан кечки 9га чейин жол жүрүп отурган.… Кененирээк…
Ысык-Көлдө самбо боюнча Дүйнө кубогу өтөт. Дене тарбия жана спорт департаментинен билдиришкендей, иш-чара 22-23-август күндөрү Чолпон-Ата шаарында болот. Мелдешке 15ке жакын өлкөдөн 400дөй спортчу катышат.
Быйыл “Социалдык келишим” долбоорунун алкагында 10 миң үй-бүлөгө 100 миң сомдон кайтарымсыз каражат берилди. Эмгек, социалдык камсыздоо жана миграция министри Кудайберген Базарбаев билдиргендей, бул үчүн бюджеттен 1 млрд сом бөлүнгөн. Ал эми өткөн жылы аталган долбоор аркылуу социалдык колдоого муктаж 2 миң 800 үй-бүлө… Кененирээк…
Соңку 10 жылда Ысык-Көлдө суу дээрлик бир метрге тартылды. Бул тууралуу Жаратылыш ресурстар министрлигинин бөлүм башчысы Таалай Далбаев билдирди. Негизги себеп катары климаттын өзгөргөнүнө байланыштуу дарыялардын агымынын азайышы белгиленди. Мындан тышкары жайкысын талаалар сугарылат. Чиновник сугат үчүн тамчылатып сугаруу системасын өтүү зарылдыгын айтты.… Кененирээк…
Талас облусунун Огонбаев айылында жаңы мектеп курулат. Тиешелүү тендерди аймактык капиталдык курулуш башкармалыгы жарыялады. Мектеп 500 орунга чакталат деп күтүлүүдө. Аны курууга 160 миллион сомдон ашык каражат жумшоо пландаштырылган.
Узак жашоо үчүн канча кадам басуу керек? Польшадагы медициналык университеттин биринин изилдөөсү көрсөткөндөй, эрте өлүм коркунучун азайтуу үчүн күнүнө 4 миң кадам жетиштүү. Окумуштуулардын айтымында, бир аз сейилдөө да ден соолукту чыңдайт. Бүткүл дүйнөлүк саламаттык сактоо уюмунун маалыматына караганда, жалкоо жашоо образы өмүрдүн… Кененирээк…
