Футбол боюнча Европа чемпионаты Германиянын чоң ийгилиги менен старт алды. Ачылыш беттешинде турнир ээлери өз талаасында Шотландия курамасы менен топ талашты. Оюн 5:1 ири эсеби менен жыйынтыкталды.
Голдорду Флориан Вирц, Джамал Мусиала, Кай Хаверц, Никлас Фюлькруг жана Эмре Джан киргизди. Шотландиянын эсебиндеги жалгыз голду дагы Германиянын оюнчусу Антонио Рюдигер автогол менен жазып берди.