Кыргызстанда ымыркайларды төрөт үйүндө каттоо долбоору ишке кирди. Санариптик өнүктүрүү министри Нурия Кутнаеванын айтымында, эми төрөт үйүндө ымыркайдын төрөлгөндүгү жөнүндө маалымат дароо Калкты каттоо департаментине түшөт.
Ата-энеси 60 күндөн кийин ымыркайына туулгандыгы тууралуу күбөлүк алуу үчүн кайрылбаса, социалдык кызматкерлер эскертип турат.
Кутнаева билдиргендей, Кыргызстанда жаңы төрөлгөн балдардын 10 пайызы туулгандан кийинки биринчи жылда күбөлүк алышкан эмес. Бул жагдай баланын медициналык, социалдык кызмат жана ар кандай жардам алуусуна тоскоолдук жаратууда.
Ушул жана башка жаңылыктар менен кененирээк Новости.kg Телеграмм каналынан тааныша аласыздар.
