Кыргызстанда товарлардын мыйзамдуулугун жана сапатын текшерген тиркеме ишке кирди.
Бул тууралуу Мамлекеттик салык кызматынан билдиришти.
«Текшер» деп аталган тиркемеден жарандар товарларды анын таңгагындагы кодун сканерлөө аркылуу өз алдынча текшере алат.
Анда товар жөнүндө толук маалымат, толук аталышын, өндүрүүчү жана чыгарылган өлкөнү, товардык белгини жана ар кандай документтер тууралуу билсе болот.
Белгиленгендей, Кыргызстанда алкоголдук ичимдиктер жана тамеки идентификациялоо каражаттары милдеттүү түрдө маркаланышы керек.
