Кыргызстан Ысык-Көл айланма жолунун курулушуна Азия өнүктүрүү банкынан 109,5 млн доллар алат. Бул тууралуу Унаа жана жолдор министри Абсаттар Сыргабаев Жогорку Кеңештин тиешелүү комитетинде билдирди.
Маалыматка ылайык, каражаттын 87 млн доллары насыя, калган 22 млн доллардан ашыгыраагы грант катары берилет. Кредитти 32 жылда кайтарып бериш керек.
Каражатка Ысык-Көл айланма жолунун Барскоон айылынан Каракол шаарына чейинки 75 чакырымдан ашык бөлүгү салынат.
Депутаттар насыя алуу боюнча документти колдоду.
Ушул жана башка жаңылыктар менен кененирээк Новости.kg Телеграмм каналынан тааныша аласыздар.
