Парламент Ысык-Көлдөгү объектилерди чет элдик жарандарга сатуу жөнүндө мыйзам долбоорун үчүнчү окууда колдоду.
Документке 63 депутат “макул”, үч депутат “каршы” добуш берди. Ага ылайык, башка өлкөлөрдүн жарандарына убактылуу колдонуу укугу менен объектилер берилет. Анын тартибин министрлер кабинети бекитиши керек.
Мыйзам долбоорунда белгиленгендей, чет элдиктер объектилерди гана сатып алса болот, ал эми жер тилкелерин ала алышпайт.
