Кыргызстанда бир катар товарларга милдеттүү акциздик маркалоо киргизилет. Мамлекеттик салык кызматынан билдиришкендей, Министрлер кабинетинин токтому 1-сентябрдан тарта иштеп баштайт.
Өндүрүүчүлөр жана импорттоочулар акциздик марка менен маркалоого милдеттүү болгон товарлардын түрү төмөнкүдөй:
— ТЭИ ТН 2403 товардык позициясына киргизилген түтүктүү тамеки, тартуучу тамеки, жыттоочу, кальяндык (тамеки продукциясын өндүрүү үчүн чийки зат катары колдонулган тамекини кошпогондо);
— ТЭИ ТН 2710197100-2710199800 жана 3811210000 товардык позициясына киргизилген майлоочу майлар, башка майлар, битумду камтыган тектерден алынган мунайды же мунай продуктыларын камтыган майлоочу майларга кошундулар.
Акциздик маркаларды алуу боюнча толук маалыматты (0312) 61-17-94 номери аркылуу билсе болот.
Ушул жана башка жаңылыктар менен кененирээк Новости.kg Телеграмм каналынан тааныша аласыздар.
