Минск шаарында (Беларусь Республикасы) өткөн Евразия өкмөттөр аралык кеңешинин жыйынтыгы боюнча 15 документе кол коюлду.
Бул тууралуу Министрлер кабинетинин басма сөз кызматы билдирди.
Кол коюлган документтердин тизмеси төмөндө:
1.»Евразия экономикалык биримдигине мүчө мамлекеттер тарабынан товарлардын айрым түрлөрүн экспорттоону жөнгө салуу боюнча чараларды ишке ашыруунун негизги ыкмалары жөнүндө» буйрук;
2. «Евразия экономикалык биримдигинде алкоголдук продукция рыногун жөнгө салуу жөнүндө макулдашуунун долбоору боюнча иштин жүрүшү жөнүндө» маселенин алкагындагы тапшырма;
3. «2014-жылдын 29-майындагы Евразия экономикалык биримдиги жөнүндө келишимге жеке жактарга сатылган товарлардын электрондук соодасынан кыйыр салыктарды алуу тартибине өзгөртүүлөрдү киргизүү тууралуу протоколдун долбоору боюнча иштин жүрүшү жөнүндө» маселе алкагындагы тапшырма;
4. «Евразиялык Өкмөттөр аралык кеңештин 2020-жылдын 10-апрелиндеги № 2 чечиминин 2-пунктуна өзгөртүүлөрдү киргизүү тууралуу» чечими;
5. «Евразия экономикалык биримдигине мүчө мамлекеттердин аймактарында Чыгыш-Батыш жана Түндүк-Түштүк багыттарында, анын ичинде «Бир алкак, бир жол» Кытай демилгеси алкагында транспорттук инфраструктураны түзүү жана өнүктүрүү жөнүндө» маселенин алкагындагы тапшырма;
6. «2021-жылкы Евразия экономикалык комиссиясынын чечимдеринин долбоорлорунун жөнгө салуучу таасирин баалоого мониторинг жүргүзүү боюнча Евразия экономикалык комиссиясынын жылдык отчету жөнүндө» буйрук;
7. «Евразия экономикалык биримдигинин алкагында артыкчылыктуу жана жогорку технологиялык өнөр жай тармактарында кызматташуу жана импортту алмаштыруу боюнча комиссия жөнүндө» буйрук;
8. «2015-жылдын 16-октябрындагы Евразия экономикалык бирлигинин бажы аймагына товарларды ташып келүүнүн жана жүгүртүүнүн айрым маселелери жөнүндө протоколдун 3-беренесинин 10-пунктунда каралган товарларды эсепке алуу системасын колдонуу жөнүндө» буйрук;
9. «Евразия экономикалык биримдигине мүчө мамлекеттердин керектөөчүлөрдүн укуктарын коргоо жаатындагы биргелешкен аракеттеринин программасы жөнүндө» буйрук;
10. «2021-жылга карата Евразиялык экономикалык комиссиянын чек ара рынокторунда атаандаштыктын абалы жана жалпы атаандаштык эрежелери жаатындагы чаралар жөнүндө жылдык очету тууралуу» буйрук;
11. «Евразия экономикалык бирлигине мүчө мамлекеттер тарабынан эл аралык келишимдердин күчүнө кириши үчүн зарыл болгон мамлекет ичиндеги жол-жоболор, ошондой эле Евразия экономикалык бирлигинин алкагында түзүлүүчү эл аралык келишимдердин долбоорлорун мамлекет ичинде макулдашуунун ички жол-жоболору жана ички мамлекеттик жол-жоболору жөнүндө» маселе алкагындагы тапшырма;
12. «Евразия экономикалык комиссиясынын коллегиясынын мүчөлүгүнө талапкерди Жогорку Евразиялык экономикалык кеңештин кароосуна киргизүү жөнүндө» буйрук (Б. Сагинтаев);
13. «Евразия экономикалык комиссиясынын коллегиясынын мүчөлүгүнө талапкерди Жогорку Евразиялык экономикалык кеңештин кароосуна киргизүү жөнүндө» буйрук (А.Кожошев);
14. «Евразия экономикалык комиссиясынын кеңешинин мүчөлүгүнө талапкерди Жогорку Евразиялык экономикалык кеңештин кароосуна киргизүү жөнүндө» буйрук (А.Касымалиев);
15. «Евразиялык өкмөттөр аралык кеңешинин жыйынын өткөрүү убактысы жана орду жөнүндө» буйрук.
