Садыр Жапаров Баткендеги чек ара маселесин кийинки муундарга калтырбоону убадалады.
Президент көйгөйдү чече турганын Баткен облусундагы Нооруз майрамына карата уюштурулган иш-чарада сүйлөп жатып айтты.
Дал ушул максатта Баткен облусуна өзгөчө макам ыйгардык, бул аймакты өнүктүрүүнү күн тартибиндеги башкы маселеге айланттык.
Анын алкагында конкреттүү программа иштелип чыгып, белгиленген тапшырмалар өз ырааты менен аткарылууда, — деди мамлекет башчы.
Белгилеп кетсек, Баткенде Тажикстан менен чек аранын 40 пайызы, Өзбекстан менен 15 пайызы тактала элек.
