“Түндүк электр” 12-апрелден тартып карызы бар мамлекеттик мекемелердин жарыгын өчүрөт.
Бөлүштүрүүчү компаниядан билдиришкендей, ишкана электр тармактарында оңдоп-түзөө жумуштарын жүргүзөт.
Керектөөчүлөрдөн чогулган каражаттын басымдуу бөлүгү ремонтко багытталат. Бүгүнкү күндө дебитордук
карыздын көлөмү 703 миллион сомдон ашты. Компания Бишкектеги, Чүй жана Талас облустарындагы
ири өлчөмдө карызы бар мекемелердин тизмесин түздү. Алардын катарында ооруканалар, балдар үйлөрү,
спорттук, аскердик мекемелер, университеттер, музей жана башкалар бар.
