Өзбекстандын өкмөтү отставкага кетти. Маалыматка караганда, өлкөнүн Конституциясына ылайык, жаңы парламент шайланганда жаңы премьер-министр дайындалат. Президент Шавкат Мирзиёевдин чечимине ылайык, Абдулла Арипов жаңы өкмөт дайындалганга чейин ишин улантат. Парламент жаңы премьер-министрдин кызматына талапкерлерди бүгүн карайт.
Бишкекте Чолпонбай Түлөбердиевдин эстелиги тургузулат. Мамлекеттик сатып алуулар порталынын маалыматына караганда, «Бишкек асфальт сервис» муниципалдык ишканасы эстеликти даярдоо үчүн тендер жарыялады. Бул үчүн 3,5 миллион сом бөлүнөт. Эстелик колодон жасалат. Эске салсак, Советтер Союзунун Баатырынын ысымын эс алуу жайларынын бирине берүү да пландалууда.
Кой-Таш окуясы боюнча кылмыш ишине шектелгендердин саны 19 адамга жетти. Бул тууралуу айыпталуучулардын жактоочуларына таянуу менен 24 агенттиги жазып чыкты. Маалыматка караганда, алгач 12 киши айыпталып жаткан. Шектүүлөрдүн арасында 8-августта Кой- Таш менен Арашан айылдарынын тургундары да бар. Кылмыш ишинин томунун саны 80ге жетти, — деп билдиришти юристтер.… Кененирээк…
Волейбол боюнча Кыргызстандын курамасы Казакстандын командасын утту. Бул тууралуу Волейбол федерациясынан билдиришти. Казакстандын улуттук лигасынын үчүнчү турунда биздин өлкөнүн «Тараз» командасы «Павлодарды» жеңди. Оюн 3:0 эсебинде жыйынтыкталды. Ал эми бүгүн биздин волейболчулар «Буревестник» командасы менен оюн өткөрөт.
Бишкек мэриясынын кирешеси 10 миллиард сомго жогорулады. Негизги үлүш – салык төлөмдөрүнөн, — деп билдирди вице-мэр Алмаз Бакетаев. Чиновниктин айтымында, каражаттын 50 пайызы салтка айлангандай социалдык секторду камсыздандырууга багытталат. Ошондой эле билим берүү, саламаттыкты сактоо, маданият жана спорт тармактарына жумшалат. Белгилеп кетчү нерсе, мындан ары… Кененирээк…
ЕАЭС аймагында 100 миң доллардан ашык каражат ташып жүрүүдө, акчанын кайдан пайда болгондугу тууралуу маалымат болушу керек. Бажы кызматынан билдиришкендей, норма ушул жылдын 4-февралында күчүнө кирет. Тиешелүү документ Евразия экономикалык жыйынында кабыл алынды. Бажы кызматынан белгилешкендей, катталган сумма тууралуу маалымат берилбесе, ЕАЭС аймагына каражат кое… Кененирээк…
АКШ жашоочусуна түштөгү аян байлык алып келди. Америкалык аял лотореялык билет сатып алып, мындан бир нече жыл мурда көргөн түшүндөгү цифраларды жазган. Жыйынтыгында 100 миң доллар джекпотко ээ болду. Ал эми лотореянын өкүлдөрү билдиришкендей, утушка ээ болгон айым 278 миң адамдын ичинен суурулуп чыкты.
Бишкектин айрым аймактарында электр жарыгы өчүрүлөт. Бул тууралуу «Түндүк электр» ишканасынан билдиришти. Маалыматка караганда, бүгүн саат эртең мененки 9дан кечки 5ке чейин Жибек Жолу, Шакиров, Кишиневская, Кулатов, Тоголок Молдо, Байтик баатыр, Геологическая жана Юнусалиев көчөлөрүндө электр жарыгы жок болот. Убактылуу чектөөлөр оңдоо иштерине байланыштуу.
Өнөр жай жана жер казынасын пайдалануу мамлекеттик комитети ушул жылы 20 аукцион өткөрүү ниетинде. Алар — Кадамжайдагы сурма, Ноокаттагы гипс кендери. Ошондой эле Туюк-Каргаша, Тегене жана Сүлүктү “Поле 11” көмүр кендери. Жыл сайын аталган комитет кен байлык объектисине укук берүүчү лицензия алууга аукцион уюштурат. Мекеменин… Кененирээк…
