Бүгүн Бишкек жана Чүйдүн айрым аймактарында электр энергиясын берүү чектелет. “Түндүкэлектрдин” маалыматына ылайык, жарык эртең мененки саат 9дан кечки 6га чейин Токомбаев, Садырбаев, Айни, Фрунзе, Курманжан Жатка, Салиева көчөлөрүндө, Жал, 10-кичи райондордо, Новопокровка, Аламүдүн, Таш-Дөбө, Арашан айылдарында жок болот. Убактылуу чектөөлөр ремонттук иштерге байланыштуу.
Аба-ырайы кескин өзгөрүлгөндүктөн, тоолуу аймактарда кар көчкү түшүү коркунучу сакталууда. Өзгөчө кырдаалдар министрлигинин маалыматына ылайык, 10-13-февраль аралыгында жаан-чачынга байланыштуу, Бишкек-Ош, Мырзаке-Кара-Кулжа-Алайкуу, Ала-Бука-Каныш-Кыя жолдорунда, Төө-Ашуу, Ала-Бел ашууларында жана Чычкан капчыгайында кар массалары түшүшү мүмкүн. Айдоочулар этият болуп, унаалар ортосундагы 500 метрлик аралыкты сактоосу кажет.
Казакстандан келген 1 миңден ашык адам үйлөрүнө кайтты. Бул тууралуу Мамлекеттик чек ара кызматынан билдиришти. Маалыматка ылайык, азыркы тапта кыргыз-казак мамлекеттик чек арасындагы кырдаал туруктуу. Өткөрүү түйүндөрү кадимки режимде иштеп, унаалар, жүктөр жана адамдар тоскоолдуксуз өтүп жатат. Эске салсак, 7-8-февралда “Кең-Булуң” жана “Токмок” өткөрүү… Кененирээк…
