Бишкекте маршруттук каттамдардын өткөрүү жөндөмдүүлүгүн арттыра турган айрым жол курулуштарын куруу пландалууда.
Мэриянын маалыматына караганда, кеп транспорт түйүндөрү жана эстакадалар жөнүндө болуп жатат.
Шаар бийлиги курулуш иштерин Кытайдан келген эксперттер тобу менен талкуулады.
Декабрдын аягына чейин кытай тарап долбоордун техникалык-экономикалык негиздемесин иштеп чыгат.
Мэрия кытайлык өнөктөштөрдүн жардамы менен буга чейин шаарда жалпы узундугу 200 чакырымды түзгөн 135 көчө курулуп, оңдолгондугун белгиледи.
