- Бишкекте жер мунапысы боюнча 6 миңден ашык арыз каралды. Мэрия маалыматына ылайык, 200 арыз боюнча оң чечим кабыл алынды, 5 миңден ашыгы кошумча изилдөө үчүн тиешелүү кызматтарга жөнөтүлдү. Жер мунапысы алкагында арыздарды ар бир райондо түзүлгөн атайын комиссиялар карап жатат.
Белгилеп кетсек, Кыргызстан боюнча миңдеген гектар жер кагаз бетинде айдоо аянты катары көрсөтүлгөнү менен чынында үйлөр курулуп, конуштар пайда болгон.
