Кыргызстанда каналдарды жана суу чарба объектилерин оңдоо иштери 25-декабрга чейин аяктайт.
Бул тууралуу Айыл чарба министрлигине караштуу Суу чарба кызматынын директору Алмазбек Сокеев билдирди.
Анын айтымында, учурда адистер тарабынан 100 чакырымдан ашык каналдар жаңыланып, тазаланды.
Мындан тышкары жүздөгөн гидротехникалык курулуштар, насостук станциялар, агрегаттар жана коллектордук-дренаждык тармактар оңдолду.
Чиновник белгилегендей, ирригациялык системаны калыбына келтирүү боюнча мындай масштабдуу иштер эгемендүүлүктөн бери биринчи жолу жүргүзүлүп жатат.
