Кыргызстанга инсулин алып келинди. Бул тууралуу Саламаттыкты сактоо министрлигинин басма сөз кызматы билдирди.
Маалыматка ылайык, Дүйнөлүк саламаттыкты сактоо уюму тарабынан өлкөгө 1-типтеги кант диабети менен ооругандарды инсулин менен камсыз кылуу максатында анча чоң эмес партиясы алып келинген.
Жакынкы убактарда аймактарга бөлүштүрүлө баштаары айтылат.
Эске салсак, буга чейин саламаттыкты сактоо министринин убактылуу милдетин аткаруучу Жаркынбек Касымбеков өлкөдө элдин саламаттыгына байланыштуу эң көйгөйлүү маселе инсулиндин тартыштыгы экенин айтып чыккан.
