Мамлекеттик органдардын кызматкерлери аралыктан иштөөгө өтүшү керек.
Мындай талап республикалык ыкчам штабда коюлду. Биринчи вице-премьер-министр
Алмазбек Баатырбековдун айтымында, өлкөдө эпидемиологиялык абал начарлап жатат.
Мындан улам чара мамлекеттик органдардын ишине терс таасирин тийгизбей тургандай
уюштурулуусу зарыл. Ишти үзгүлтүккө учуратпоо үчүн кеңселерде аз сандагы
кызматкерлер санитардык талаптарды аткарып иштөөсү керек.
