Токио Олимпиадасынын чыгымдары көбөйдү. “Йомиури” басылмасы уюштуруучуларга шилтеме берип жарыялагандай, жалпысынан кошумча чыгаша 2 миллиард долларга жетет. Бул кызматкерлерге кошумча айлык акы төлөө, колдонулбай калган билеттерди кайтаруу системасын түзүү сыяктуу иштер жана башкаларга байланыштуу. Ушуну менен массалык иш-чаранын жалпы бюджети дээрлик 13 миллиардды түзүп калат.
Нарын районунун Эмгек-Талаа айылында жаңы мектеп пайда болот. райондук администрациясынын маалыматына караганда, билим берүү мекемеси 225 орунга ылайкташат. Долбоорду каржылоо капиталдык салымдын эсебинен жүргүзүлүп жатат. Тендердин наркы 62 миллион сом. Бүгүнкү күндө курулуш активдүү жүрүп, имараттын экинчи кабаты көтөрүлүп жатат.
Мамлекеттик салык кызматынын бөлүмүндө чыккан өрттөн жабыркагандар катталган жок. Өзгөчө кырдаалдар министрлигинен билдиришкендей, Бишкектеги Октябрь райондук башкармалыгынын имаратынын кире бериш чатырчасы күйүп кетти. Тилсиз жоо кечээ таңда имаратка жалгашып курулган күзөтчү отурган күркөдөн чыкты. Чектөөгө алуу үчүн куткаруу кызматынын эки бөлүмү тартылды. Учурда өрттүн келип… Кененирээк…
