БШК менен өкмөт шайлоонун так мөөнөтүн аныктаган жок.
Бул тууралуу “Азаттыкка” БШКнын мүчөсү Атыр Абдрахматова билдирди.
Анын айтымында, эми шайлоо мөөнөтүн президент аныктайт. Мындан кийин гана
добуш берүүнү коопсуз өткөрүү алгоритми түзүлөт. Белгилеп кетсек, карантинден улам
12-апрелге белгиленген жергиликтүү кеңештердин шайлоосу белгисиз мөөнөткө жылдырылган.
Ал эми парламенттик шайлоо 4-октябрда өтүшү керек. Шайлоо кодексине ылайык, анын өтөрүнө
100 күн калганга чейин БШК добуш берүүнүн мөөнөтүн тактабаса, аны президент аныктайт.
